Ol Toksave

◼ Februeri: Go Klostu Long Jehova. Mas: Was i Stap! Sapos sampela i gat laik long save moa, stori long buk Save na bai yu ken kirapim Baibel stadi. Sapos i gat buk Tru Tru Baibel i Tok Wanem? orait yu ken mekim wok long en. Epril na Me: Wastaua na Kirap! Taim yu go bek lukim ol man i gat laik long harim tok, tingim ol lain i bin kam long Memorial o kibung, tasol ol i no save bung wantaim kongrigesen, na tingting long tilim nupela buk Tru Tru Baibel i Tok Wanem? long ol. Bikpela samting yumi laik kirapim wanpela Baibel stadi long dispela buk.

◼ Kirap long Februeri ol wasman sekit bai mekim pablik tok, nem bilong en, “Yu Ken i Stap Bel Isi Long Nau​—⁠Na Long Olgeta Taim Bihain!”

◼ Mun Epril i gat faipela wiken, olsem na em i gutpela taim bilong mekim wok painia haptaim.

◼ HARIM: Putim gut dispela pepa i gat ol askim bilong kibung i stap long pes 9 na 10 bilong dispela Wok Kingdom. Yumi bai stori long en paslain na bihain liklik long spesel de kibung na kibung sekit bilong 2006. Wasman siaman bai stretim rot bilong stori long dispela paslain long ol kibung na bihain liklik long en, olsem Wok Kingdom bilong Februeri 2005, pes 6 i tok. Long taim yupela i mekim riviu bilong kibung, kamapim olgeta askim, na stori gut long olsem wanem yumi ken bihainim ol tok i bin kamap long kibung.

◼ Wasman siaman o wanpela brata em i makim i mas skelim ol akaun bilong kongrigesen long Mas 1 o kwiktaim bihain long en. Sapos i gat narapela akaun, kain olsem akaun bilong stretim ol samting bilong Haus Kingdom o bilong konstraksen, orait stretim rot bilong skelim dispela akaun tu. Taim em i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.

◼ Kuskus na wasman autim tok i mas skelim wok bilong olgeta painia oltaim. Sapos sampela i hatwok long winim ol aua bilong ol, orait ol elda i mas stretim rot bilong helpim ol. Bilong kisim sampela tingting long dispela samting, yupela i ken lukim ol pas S-201-MP, em yupela i save kisim long olgeta yia.