Riviu Bilong Skul Tiokratik Bilong Autim Tok
Bai yumi toktok long ol dispela askim long Skul Tiokratik Bilong Autim Tok long wik i kirap long Februeri 27, 2006. Wasman skul bai mekim riviu inap 30 minit long ol tok i bin kamap insait long skul long wik i kirap long Janueri 2 i go inap long Februeri 27, 2006. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Olsem wanem Skul Tiokratik Bilong Autim Tok i helpim yumi long ‘litimapim nem bilong God na dispela pasin i stap olsem ofa yumi save givim long em’? (Hi. 13:15) [be p. 5 par. 3–p. 6 par. 1]
2. Bilong wanem yumi mas givim bel long ritim stret ol tok? [be p. 83 par. 1–p. 84 par. 1]
3. Taim yumi toktok na skulim ol man, bilong wanem em i bikpela samting long kolim klia ol tok? [be p. 86 par. 1-6]
4. Bilong wanem em i bikpela samting long kolim stret ol tok? Yumi mas tingim wanem ol samting? [be p. 89 par. 1–p. 90 par. 2, na blok]
5. Wanem sampela rot yumi ken bihainim na bai toktok bilong yumi i ron gut? [be p. 94 par. 4-5, na blok]
TOK NAMBA 1
6. Olsem wanem 2 Stori 36:17-23 i kamapim klia olsem tok profet bilong Baibel i tru? [bsi01 p. 7 par. 35]
7. Wanem ol samting i kamap na i opim rot bilong ol Juda long i go bek long ples bilong ol long yia 537 B.C.E. na bai ol i ken wokim gen haus bilong Jehova? [bsi01 p. 8 par. 1-3]
8. Olsem wanem Buk Esra i litimapim nem bilong Jehova olsem God tru na i kirapim yumi long bilip tru long em? [bsi01 p. 9 par. 14, p. 10 par. 18]
9. Bilong wanem dispela “namba 20 yia bilong Artaserksis i stap king” i bikpela samting long ol yia Baibel i makim? (Neh. 1:1; 2:5, 6, 11, 17, 18) [bsi01 p. 11 par. 2, 5]
10. Olsem wanem Nehemia em i stap gutpela piksa long ol wokman bilong God long nau? [bsi01 p. 11 par. 16–p. 12 par. 17]
BAIBEL RITIM BILONG WIK
11. Olsem wanem? Tupela ston bipo ol Israel i yusim bilong kisim save long laik bilong God, ol i stap yet taim ol Israel i go bek long Jerusalem? (Esr. 2:61-63)
12. Bilong wanem planti Juda long Babilon i no laik go wantaim Esra long Jerusalem? (Esr. 7:28–8:20)
13. Olsem wanem ol man inap mekim wok bilong sanapim banis long wanpela han tasol? (Neh. 4:17, 18)
14. Em pasin bilong ol man long putim ol pas i gat sampela tok hait long en long wanpela karamap, olsem na bilong wanem Senbalat i no bin “karamapim pas” taim em i salim pas i go long Nehemia? (Neh. 6:5)
15. Nehemia i bin “krosim” ol Juda em ol i bin lusim Jehova, na em i mekim wanem samting moa? (Neh. 13:25, 28)