Ol Toksave

◼ Me: Wastaua na Kirap! Taim yu go bek lukim ol man i gat laik long harim tok, na ol man i save kam long Memorial o ol kibung, tasol ol i no save bung wantaim kongrigesen, tilim nupela buk Tru Tru Baibel i Tok Wanem? long ol. Wok strong long kirapim wanpela Baibel stadi long dispela buk. Jun: Kisim Skul Long Bikpela Tisa. Sapos sampela i tok ol i no gat pikinini, orait tilim buk Famili i Ken Stap Amamas. Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Was i Stap!, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat?

◼ Julai i gat 5-pela wiken, olsem na em i gutpela taim bilong mekim wok painia haptaim.

◼ Wasman siaman o wanpela brata em i makim i mas skelim ol akaun bilong kongrigesen long Jun 1 o kwiktaim bihain long en. Sapos i gat narapela akaun, kain olsem akaun bilong stretim ol samting bilong Haus Kingdom o bilong konstraksen, orait stretim rot bilong skelim dispela akaun tu. Taim em i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.

◼ Em i gutpela long salim aplikesen bilong wok painia oltaim long brens ofis inap 30 de paslain long de brata o sista i putim aplikesen i laik kirap mekim wok painia. Kuskus bilong kongrigesen i mas sekim gut fom bilong save dispela brata o sista i raitim olgeta tok long fom o nogat. Sapos brata o sista i no inap tingim de stret em i bin kisim baptais, orait em i mas makim wanpela det na raitim na tingim dispela det. Kuskus i mas raitim dispela det long kat Congregation’s Publisher Record (S-21-E).