Ol Miting Bilong Wok
Wik i Kirap Long Me 8
Singsing 2
10 min: Ol toksave bilong kongrigesen. Sampela Toksave bilong Wok Kingdom. Bihainim tok i stap long pes 8 o narapela tok i stret long mekim, na mekim soim long pasin bilong tilim Wastaua bilong Epril 15 na Awake! bilong Epril. Long narapela soim, pablisa i tilim Wastaua bilong Epril 1 na Epril 15 wantaim Awake! bilong Epril long wanpela man long magasin-raun bilong em husat i no bin kisim Wastaua bilong Epril 1. Taim pablisa i tilim 3-pela magasin, em i stori long wanpela tasol. Ol pablisa i ken go lukim ol man long magasin-raun bilong ol inap wanpela o tupela taim long mun.
20 min: “Bihainim Mi.”a Mekim sotpela inteviu long wanpela gutpela pablisa husat i no wok long bungim planti samting bilong skin na i no wok long inapim ol laik bilong em yet bambai em i ken mekim bikpela wok moa bilong Kingdom na helpim ol narapela. Kamapim klia ol blesing em i kisim taim em i mekim olsem.
15 min: Sampela ekspiriens. Askim odiens long stori long ol gutpela samting i bin painim ol taim ol i wok strong long autim tok long Mas na Epril. Stori long ol gutpela samting wok bilong kirapim ol Baibel stadi na helpim ol nupela man long kam long Memorial i bin kamapim. Sapos inap, mekim wanpela o tupela soim long ol gutpela ekspiriens.
Singsing 91 na beten.
Wik i Kirap Long Me 15
Singsing 9
10 min: Ol toksave bilong kongrigesen. Kirapim olgeta long lukim vidio Noah—He Walked With God sapos ol inap, bilong redi long hap bilong Miting Bilong Wok long wik i kirap long Me 29. Ol lain husat i no inap lukim vidio, ol i ken mekim wok painimaut bilong painim bekim bilong tes long hap bilong Miting Bilong Wok “Gutpela Piksa Yumi Olgeta i Ken Bihainim,” long p. 7.
10 min: Wanbel Long Wok Wantaim Aninit Long Wok Bos Bilong Krais. Wanpela tok i kam long buk Oganaisesen Bilong Mekim Laik Bilong Jehova aninit long het tok “Kliagut Long Wok Bilong Em” long p. 14-15.
25 min: “Mekim Gutpela Wok Long Ol Buk na Nius Bilong Yumi.”b Taim yu stori pinis long par. 5, mekim tupela sotpela soim long pasin bilong tilim buk Tru Tru Baibel i Tok Wanem? long wanpela gobek. Bihainim ol tok i stap long par. 3 na 5. Ritim blok long p. 7, “Kontribiusen Ol Man i Givim.”
Singsing 133 na beten.
Wik i Kirap Long Me 22
Singsing 86
12 min: Ol toksave bilong kongrigesen. Ripot bilong ol akaun na tok tenkyu long ol kontribiusen. Bihainim ol tok i stap long pes 8 o narapela tok i stret long mekim, na mekim tupela sotpela soim long pasin bilong tilim Wastaua bilong Me 1 na Awake! bilong Epril. Pasin bilong mekim ol soim, em wanpela famili i mekim traim long tilim ol nius.
15 min: “Tingim Gut Man—Long Rot Bilong Mekim Gutpela Pasin.”c
18 min: Mekim Gut Skin. Toktok wantaim odiens na kamapim ol askim long buk Skul Bilong Autim Tok, p. 131-3. Skelim tripela stiatok i stap long ol dispela pes em ol i skelim klos na bilas bilong yumi. Tokim odiens olsem yumi ken yusim ol dispela tok bilong helpim ol Baibel sumatin long kliagut long wanem kain klos i stret long werim long ol miting bilong kongrigesen.
Singsing 215 na beten.
Wik i Kirap Long Me 29
Singsing 42
10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Me.
10 min: Tilim buk Tisa long Jun. Bihainim tok i stap long Wok Kingdom Bilong Yumi bilong Janueri 2005 long p. 4 o narapela tok i stret long teritori bilong yupela, na soim pasin bilong tilim buk Kisim Skul Long Bikpela Tisa. Kirapim odiens long stori long ol gutpela samting i bin kamap taim ol i mekim wok long dispela buk long teritori o insait long famili bilong ol yet.
25 min: “Gutpela Piksa Yumi Olgeta i Ken Bihainim.” Kirap bilong tok i no ken abrusim wanpela minit, bihain long en toktok wantaim odiens na mekim tes bilong Noa vidio na kamapim olgeta askim i stap long namba tu paragraf. Sapos yu save olsem sampela famili long kongrigesen i bin lukim Noa vidio i stap long DVD, askim ol long stori long helpim ol i bin kisim taim ol i mekim ol samting hap “Learning Activities” i kirapim ol long mekim, dispela hap i stap long DVD tasol. Bihain, skelim askim na ol skripsa i stap long namba tri paragraf.
Singsing 9 na beten.
Wik i Kirap Long Jun 5
Singsing 176
5 min: Ol toksave bilong kongrigesen.
20 min: Tok bilong helpim kongrigesen, o elda i mekim tok “Stretim Stretim Bel Bilong Pikinini Bilong Yupela!” em i kisim long Wastaua bilong Februeri 15, 2003, p. 23-7.
20 min: Rot Bilong Mekim Gut Ol Gobek. Toktok wantaim odiens na kamapim ol askim long blok i stap long Wastaua bilong Novemba 15, 2003, p. 16. Skelim olgeta 7-pela bikpela tok, na kirapim odiens long stori long olsem wanem ol inap bihainim ol dispela tok long teritori bilong yupela. Strongim ol pablisa long mekim ol gobek na tingting long kirapim Baibel stadi wantaim olgeta man husat i kisim ol nius bilong yumi o i laik kisim save long tok yumi autim. Bihainim tok i stap long Wok Kingdom bilong Februeri 2006, p. 8, na mekim soim long pasin bilong kirapim man long stadi long Baibel taim pablisa i mekim gobek.
Singsing 57 na beten.
[Ol Futnot]
a Kirap bilong tok i no ken abrusim wanpela minit, na bihain mekim ol askim na bekim.
b Kirap bilong tok i no ken abrusim wanpela minit, na bihain mekim ol askim na bekim.
c Kirap bilong tok i no ken abrusim wanpela minit, na bihain mekim ol askim na bekim.