Ol Miting Bilong Wok
Wik i Kirap Long Julai 10
Singsing 4
10 min: Ol toksave bilong kongrigesen. Bihainim ol tok i stap long laspela pes o narapela tok i stret long teritori bilong yupela, na mekim soim long pasin bilong tilim Wastaua bilong Jun 15 na Awake! bilong Jun. Long wanpela soim, pablisa i soim pasin bilong autim tok long man i laik katim tok long rot bilong tok “Mipela i Kristen Pinis.”—Lukim buk Toktok Gut, p. 19.
15 min: Rot Bilong Stretim Wok Bilong Kongrigesen. Wanpela tok na kamapim sampela askim long buk Oganaisesen long sapta 4. Sapos yupela i no gat buk Oganaisesen Bilong Mekim Laik Bilong Jehova, orait yusim buk Lo Bilong Yumi Bilong Mekim Wok Autim Tok, sapta 4.
20 min: “Helpim Ol Sumatin Long Pilim Ol Gutpela Pasin Bilong Jehova.”a Mekim soim long pasin bilong mekim wok long ol askim bilong helpim Baibel sumatin long tingim tingim ol bikpela tok i stap long riviu blok long pinis bilong sapta 1 bilong buk Baibel i Tok.
Singsing 88 na beten.
Wik i Kirap Long Julai 17
Singsing 99
10 min: Ol toksave bilong kongrigesen. Sampela Toksave bilong Wok Kingdom. Stori liklik long Wastaua bilong Ogas 15, 2000, p. 32. Kamapim klia olsem wanem pasin bilong ritim Baibel, maski yumi stap we we o holide samting, i helpim yumi.
15 min: Pasin Laikim na Pasin Daun—Ol Bikpela Samting Bilong Mekim Gut Wok Autim Tok. Wanpela tok i kam long Wastaua bilong Ogas 15, 2002, p. 18-20, par. 13-20.
20 min: “Bihainim Pasin Bilong Jehova, Em ‘God Bilong Amamas.’ ”b Askim odiens long stori long wanem samting i helpim ol long holimpas pasin bilong amamas na tingting long ol gutpela samting taim ol i autim tok long teritori.
Singsing 189 na beten.
Wik i Kirap Long Julai 24
Singsing 218
15 min: Ol toksave bilong kongrigesen. Kamapim ripot bilong ol akaun na tok tenkyu long ol kontribiusen. Bihainim ol tok i stap long laspela pes o sampela narapela tok i stret long teritori bilong yupela, na mekim soim long pasin bilong tilim Wastaua bilong Julai 1 na Kirap! bilong Julai-Septemba. Bihain long wan wan soim, stori gen long kirap bilong tok ol pablisa i bin mekim bilong kirapim tingting bilong man bilong haus long harim tok.
10 min: Askim. Mekim olsem wanpela tok.
20 min: Sanap Strong, No Ken Surik Liklik. (1 Ko. 15:58) Inteviuim tupela o tripela pablisa, painia, o misineri husat i bin mekim wok bilong Jehova inap planti yia pinis. Olsem wanem ol i bin lainim tok i tru? Ol i bin mekim wok autim tok olsem wanem taim ol i bin kirap mekim dispela wok? Wanem ol hevi ol i bin karim? Wanem blesing ol i bin kisim, long wanem, ol i sanap strong long lotu i tru?
Singsing 12 na beten.
Wik i Kirap Long Julai 31
Singsing 28
10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Julai. Kolim samting yumi bai tilim long Ogas.
15 min: Tok bilong helpim kongrigesen. O wanpela tok i kam long buk Sampela Askim Bilong Ol Yangpela—Ol Gutpela Bekim, p. 78-80, “Mi Ken Mekim Wanem na Bai Ol Wanlain i No Ken Pulim Mi?”
20 min: “Mekim Ol Wok Kristen, Kisim Planti Blesing.”c Kirapim odiens long stori long ol samting ol i bin mekim bilong kisim na holimpas pasin bilong mekim ol wok Kristen na ol blesing ol i bin kisim long dispela.
Singsing 130 na beten.
Wik i Kirap Long Ogas 7
Singsing 209
10 min: Ol toksave bilong kongrigesen. Mekim sotpela tok long pasin bilong senisim liklik ol tok bilong tilim nius i stap long Wok Kingdom na bai tok i stret long teritori bilong yupela.—Lukim Wok Kingdom bilong Februeri 2005, p. 10.
15 min: Ol Miting i Kirapim Yumi Long Laikim Narapela na Mekim Gutpela Pasin. Wanpela tok i kam long Wastaua bilong Mas 15, 2002, p. 24-5. Mekim sotpela inteviu i kamapim hatwok pablisa i save mekim bilong kam oltaim long ol miting na olsem wanem dispela i bin helpim em.
20 min: Traim Kain Kain Pasin Bilong Autim Tok. Wanpela tok na kamapim sampela askim. Kisim tok long Wastaua bilong Disemba 1, 2005, p. 28-30. Long tok i kam long par. 6-11, kamapim klia pasin bilong Pol long putim gut yau, isi long ol man, na traim kain kain rot taim em i autim tok na skulim ol. Askim odiens long bekim ol askim bilong par. 12-14, na long stori long olsem wanem ol i ken bihainim ol dispela tok long hap bilong yupela. Mekim wanpela soim i kamapim olsem wanem pablisa i senisim pasin bilong em long autim tok long teritori, em i tingim samting ol man i sot long en, sindaun bilong ol, na ol pasin na tingting bilong ples.
Singsing 83 na beten.
[Ol Futnot]
a Kirap bilong tok i no ken abrusim wanpela minit, na bihain mekim ol askim na bekim.
b Kirap bilong tok i no ken abrusim wanpela minit, na bihain mekim ol askim na bekim.
c Kirap bilong tok i no ken abrusim wanpela minit, na bihain mekim ol askim na bekim.