Riviu Bilong Skul Tiokratik Bilong Autim Tok
Bai yumi toktok long ol dispela askim long Skul Tiokratik Bilong Autim Tok long wik i kirap long Ogas 28, 2006. Wasman skul bai mekim riviu inap 30 minit long ol tok i bin kamap insait long skul long wik i kirap long Julai 3 i go inap long Ogas 28, 2006. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-37.]
PASIN BILONG TOKTOK
1. Olsem wanem pasin bilong lukluk long man yumi toktok wantaim inap helpim yumi long kamap gutpela tisa? (Mt. 19:25, 26; Ap. 14:9, 10) [be p. 124 par. 3–p. 125 par. 3]
2. Bilong wanem em i bikpela samting long bihainim pasin bilong yu yet long toktok? Wanem samting bai helpim yumi long kamapim dispela pasin long taim bilong autim tok? [be p. 128 par. 1-5, na blok]
3. Bilong wanem yumi mas stap klin na bilas gut? [be p. 131 par. 1-3]
4. Olsem wanem pasin daun na pasin bilong bihainim stretpela tingting i mas stiaim pasin bilong yumi long bilas? (1 Ti. 2:9) [be 131 par. 4–p. 132 par. 1]
5. Yumi mas bihainim wanem ol stiatok bilong Baibel na bai bilas bilong yumi i no ken makim olsem yumi laikim pasin bilong dispela graun? [be p. 133 par. 2-3]
TOK NAMBA 1
6. Wanem nambawan bikpela samting pasin bilong rit gut i ken mekim long yu? [be p. 21 par. 3]
7. Wanem samting i makim olsem man i gat gutpela tingting o nogat? (Snd. 14:2) [w04 11/15 p. 26 par. 5]
8. Bilong wanem man i gat gutpela tingting em “i no inap hatwok long kisim gutpela save”? (Snd. 14:6) [w04 11/15 p. 28 par. 4-5]
9. Stadi em i wanem samting? [be p. 27 par. 3]
10. Pasin bilong tingim tingim long bel ol samting Jehova i wokim i mas mekim wanem long yumi? [w04 11/15 p. 8 par. 4]
BAIBEL RITIM
11. Long bipo, olsem wanem Jehova i “givim tok” bilong em na planti “meri i go autim dispela tok”? Olsem wanem? Long nau tu ol meri i mekim olsem? (Sng. 68:11)
12. Wanem samting i mekim na klostu Asap i pundaun? Olsem wanem em i stretim tingting bilong em? (Sng. 73:2, 3, 17)
13. Bilong wanem ol i kolim dispela mana ol Israel i kisim olsem “kaikai bilong heven” na “kaikai bilong ol ensel”? (Sng. 78:24, 25)
14. Dispela ples we man “i go long God Antap Tru” i makim wanem samting? Olsem wanem yumi ken stap long dispela ples? (Sng. 91:1, 2)
15. Olsem wanem i dai bilong ol wokman bilong Jehova i no samting nating long ai bilong em? (Sng. 116:15)