Ol Toksave

◼ Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat!, Wanpela Gavman Em Bai Kamapim Paradais, Was i Stap!, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat? Septemba: Nupela buk Tru Tru Baibel i Tok Wanem? Wok strong long kirapim ol Baibel stadi. Oktoba: Wastaua na Kirap! Sapos man i gat laik long kisim sampela save moa, stori long buklet Was i Stap! bilong kirapim laik bilong man long kisim save moa long Baibel. Novemba: Buk Kisim Skul Long Bikpela Tisa. Sapos man bilong haus i no gat pikinini, orait tilim liklik nius Yu Laik Kisim Sampela Save Moa Long Baibel? o narapela liklik nius i stret long man bilong haus.

◼ Wasman siaman o wanpela brata em i makim i mas skelim ol akaun bilong kongrigesen long Septemba 1 o kwiktaim bihain long en. Sapos i gat narapela akaun, kain olsem akaun bilong stretim ol samting bilong Haus Kingdom o bilong konstraksen, orait stretim rot bilong skelim dispela akaun tu. Taim em i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.

◼ Ol kongrigesen i mas kirap nau long putim oda long 2007 Calendar of Jehovah’s Witnesses na 2007 Yearbook of Jehovah’s Witnesses wantaim oda bilong neks mun. Mipela bai salim buklet Skelim Sampela Tok Bilong Baibel Long Olgeta De​—⁠2007 inap long olgeta wan wan pablisa long ol kongrigesen na grup. Tasol sapos yupela i laik kisim sampela moa bilong ol pikinini na ol Baibel stadi, orait putim oda long pepa Literature Request Form.

◼ Mipela i laik bai yupela ol pablisa, na moa yet ol pablisa i stap long Pot Mosbi, i mas tingim olsem yupela i no ken mekim wok long atres bilong brens ofis long ol pas bilong yupela yet olsem atres ol man i ken bekim pas bilong yupela long en. Em ol kain pas olsem: Ol pas na buk samting yupela i salim bilong autim tok long ol man i gat laik long harim tok, ol man i no stap long haus, o ol man i stap long ol longwe ples. Ol pablisa i mas yusim atres bilong ol yet o bilong kongrigesen (sapos ol pablisa i save yusim posofis boks bilong kongrigesen bilong kisim ol pas bilong ol). Ol pablisa na ol narapela i save bung wantaim kongrigesen i no ken yusim atres bilong brens ofis bilong kisim ol pas bilong ol yet.