Ol Miting Bilong Wok

Wik i Kirap Long Ogas 14

Singsing 163

10 min: Ol toksave bilong kongrigesen. Mekim wok long ol tok i stap long laspela pes o ol narapela pasin bilong autim tok i stret long teritori bilong yupela na mekim soim long pasin bilong tilim Wastaua bilong Julai 15 na Awake! bilong Julai. Long wanpela soim, pablisa i toktok wantaim man i tok “Mi no laikim ol Witnes Bilong Jehova.”​—⁠Lukim buk Toktok Gut, p. 17-18.

15 min: “Ran Strong Long Dispela Gutpela Resis.” Kirap bilong tok i no ken abrusim wanpela minit, na bihain mekim ol askim na bekim.

20 min: Poromanim Ol Wanskul​​—⁠Inap Long Wanem Mak? Wanpela tok na kamapim sampela askim long stori i stap long Kirap! bilong Julai–Septemba 2006, p. 28-30. Askim ol bratasista em ol i kamap bikpela insait long famili Kristen long stori long olsem wanem papamama bilong ol i bin redim ol long karim ol hevi na long bihainim ol stiatok bilong Baibel long skul. Sampela de paslain long miting, pasim tok wantaim wanpela o tupela brata o sista na bai ol i ken redi long mekim olsem.

Singsing 164 na beten.

Wik i Kirap Long Ogas 21

Singsing 62

5 min: Ol toksave bilong kongrigesen.

18 min: Kisim Helpim Long Stadi Wastaua na Pablik Miting. Wanpela tok na kamapim ol askim long buk Oganaisesen Bilong Mekim Laik Bilong Jehova, p. 59 i go inap long p. 64.

22 min: Stretim Rot Nau Bilong Mekim Wok Painia Haptaim! Wanpela tok na kamapim sampela askim. Kirapim ol bratasista long putim mak long mekim wok painia haptaim long wanpela mun long nupela sevis yia. (1 Ko. 9:26) Bilong mekim olsem, ating sampela bai makim mun bilong Memorial o mun we i gat visit bilong wasman sekit, o mun i gat pablik holide o i gat 5-pela wiken. Askim odiens: “Sapos bipo yu bin mekim wok painia haptaim, yu bin winim wanem ol hevi bambai yu inap mekim olsem? Wok painia haptaim i save kamapim wanem ol blesing? Sapos yu gat laik long mekim wok painia, tasol yu pilim olsem yu no inap mekim, bilong wanem i gutpela yu beten long dispela samting? (Ap. 4:29; 2 Ko. 4:7; Jem. 1:⁠5) Bilong wanem i gutpela long toktok wantaim ol narapela long famili bilong yu na ol narapela insait long kongrigesen long wok painia haptaim, moa yet ol bratasista i gat wankain sindaun olsem yu? (Snd. 15:22) Yu tingting long mekim wok painia haptaim long wanem taim?”

Singsing 216 na beten.

Wik i Kirap Long Ogas 28

Singsing 17

10 min: Ol toksave bilong kongrigesen. Kamapim ripot bilong akaun na tok tenkyu long ol kontribiusen ol bratasista i putim. Kirapim ol pablisa long putim ripot bilong wok autim tok bilong Ogas. Mekim wok long ol tok i stap long laspela pes o narapela pasin bilong autim tok i stret long teritori bilong yupela, na mekim soim long pasin bilong tilim Wastaua bilong Ogas 1 o Awake! bilong Julai taim pablisa i go lukim man long magasin raun bilong em.

15 min: Yu Inap Strongim Ol Narapela. (Ro. 1:​11, 12) Wanpela tok na kamapim sampela askim. Toksave long hamas painia oltaim long kongrigesen bilong yupela. Stori long sampela rot yumi ken strongim ol, olsem tok amamas long wok ol i mekim, stori long ol gutpela samting wok painia i kamapim, wok wantaim ol long autim tok, singautim ol i kam kaikai wantaim yu, sampela taim helpim ol long basfea o helpim ol long painim wanpela wok haptaim. Askim ol painia oltaim long stori long olsem wanem ol narapela i bin strongim ol. Sapos i no gat painia oltaim long kongrigesen, orait stori long olsem wanem yumi ken strongim ol bratasista i mekim wok painia haptaim.

20 min: Putim Mak Long Kirapim Wanpela Baibel Stadi Long Septemba. Wanpela tok na mekim sampela soim. Long Septemba bai yumi wok strong long kirapim Baibel stadi taim yumi bungim man long namba wan taim, long rot bilong buk Baibel i Tok. Dispela i makim olsem taim yumi tilim buk long man bilong haus, bai yumi stori wantaim em long sampela paragraf. Mekim wok long ol tok i stret long teritori bilong yupela, na mekim tupela soim. Long wan wan soim, pablisa i stretim rot bilong i go bek lukim man bilong haus na stori moa long dispela buk.

Singsing 37 na beten.

Wik i Kirap Long Septemba 4

Singsing 90

5 min: Ol toksave bilong kongrigesen.

20 min: “Mekim Amamas Bilong Yu Long Autim Tok i Kamap Bikpela.a Taim yupela i skelim par. 5, askim odiens long stori long sampela rot bilong mekim gut wok autim tok long teritori bilong kongrigesen. Mekim wanpela o tupela soim long olsem wanem yumi ken bungim wanpela na kirap autim tok long em. Kirapim olgeta bratasista long painim rot bilong autim tok long dispela wik.

20 min: “Tingim Gut Man​—⁠Autim Tok Long Olgeta Kain Man.”b Taim yupela i toktok pinis long par. 3, stori liklik long 3-pela samting yumi ken mekim i stap long p. 2 bilong buklet Good News for People of All Nations. Mekim soim long olsem wanem yumi ken yusim buklet long toktok wantaim ol man long teritori em ol i save mekim narapela tok ples.

Singsing 225 na beten.

[Ol Futnot]