Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Disemba 25, 2006. Wasman skul bai mekim riviu inap 30 minit long ol tok i bin kamap insait long skul long wik i kirap long Novemba 6 i go inap long Disemba 25, 2006. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Wanem samting i mas stiaim yumi taim yumi laik makim tok yumi bai mekim bilong kamapim wanpela skripsa? [be p. 148 par. 5–p. 149 par. 2]
2. Wanem sampela rot yumi ken bihainim bilong kamapim strong ol tok? [be p. 151 par. 5–p. 152 par. 3]
3. Em i bikpela samting tru long skulim ol narapela long Tok Bilong God, olsem na yumi mas mekim wanem bilong “autim stret tok tru bilong God”? (2 Ti. 2:15) [be p. 153 par. 1-3, na blok; p. 154 par. 1, 2]
4. Olsem wanem yumi ken kamapim klia mining bilong ol skripsa yumi ritim? [be p. 154 par. 4–p. 155 par. 3]
5. Bilong wanem em i bikpela samting long kamapim klia olsem tok yumi mekim inap helpim man? Wanem sampela rot yumi ken bihainim bilong mekim olsem? [be p. 157 par. 1-4, na blok; p. 158 par. 1]
TOK NAMBA 1
6. Olsem wanem Solomon em i man bilong singautim ol manmeri i kam bung? [bsi02-1 p. 3 par. 1-3]
7. Olsem wanem ol tok bilong Buk Saveman i stret wantaim ol tok bilong Jisas? [bsi02-1 p. 5 par. 16]
8. Wanem ol samting i makim olsem Song Bilong Solomon em i hap tru bilong Baibel? [bsi02-1 p. 6 par. 3, 4]
9. Rait Bilong Aisaia ol man i painim klostu long raunwara Detsi, olsem wanem dispela i helpim yumi long save tru olsem ol tok bilong Baibel long nau i wankain olsem ol i bin raitim long pastaim? [bsi02-1 p. 9 par. 6]
10. Wanem samting inap helpim brata i givim tok na em i no raitim planti tok tumas? [be p. 42 par. 1]
BAIBEL RITIM BILONG WIK
11. Olsem wanem “ol man i laik bihainim Bikpela, ol i save tru long stretpela pasin”? (Snd. 28:5)
12. Olsem wanem ol ‘man i no gat gutpela tingting i save hatwok nating na pinisim strong’ bilong ol? (Sav. 10:15)
13. Olsem wanem meri Sulem i stap olsem “wanpela gaden i gat banis”? Olsem wanem em i stap gutpela piksa bilong ol meri Kristen i no marit? (Sol. 4:12)
14. Taim Jehova i singautim lain Israel long “bung na stretim tok,” yu ting dispela i makim olsem em i laik toktok wantaim ol na kamap wanbel wantaim ol? (Ais. 1:18a)
15. Olsem wanem tok bilong Aisaia 11:6-9 i kamap tru long bipo? Wanem bikpela truim bilong em? (w05 11/15 p. 20 par. 16)