Ol Toksave

◼ Disemba: Nambawan Man Tru i Winim Olgeta Narapela Man o Yu Inap i Stap Oltaim Long Paradais Long Graun sapos kongrigesen i gat. Janueri: Rot Bilong Famili i Ken Stap Amamas o Yu Inap i Stap Oltaim Long Paradais Long Graun. Februeri: Go Klostu Long Jehova. Mas: Buk Baibel i Tok. Wok strong long kirapim Baibel stadi long dispela buk.

◼ Klostu nau bai mipela i salim pepa bilong singautim ol man i kam long Memorial bilong 2007 long ol kongrigesen. Sapos yupela i laik kisim sampela bilong dispela pepa long narapela tok ples em ol man long teritori bilong yupela i save mekim, orait kwiktaim putim oda long pepa Literature Request Form (S-14-E).

◼ Plis tingim olsem Memorial bilong 2007 bai kamap long Mande, Epril 2, taim san i go daun pinis. Mipela i mekim dispela toksave hariap na bai ol brata inap putim nem o rentim wanpela ples bung sapos ol i mas painim narapela ples bilong mekim Memorial. Ol elda i mas stretim tok wantaim ol bos bilong dispela ples​—⁠nogut ol narapela samting i kamap long dispela ples em pairap bilong ol i pulim tingting bilong ol bratasista long taim bilong Memorial.

◼ Memorial em i bikpela samting, olsem na lain elda i mas makim wanpela elda em inap tru long mekim dispela tok​—⁠i no olsem ol elda i mas senis senis o seim elda tasol i mekim tok long olgeta yia, nogat.