Ol Miting Bilong Wok

Wik i Kirap Long Disemba 11

Singsing 174

10 min: Ol toksave bilong kongrigesen. Mekim wok long ol tok i stap long laspela pes o sampela narapela tok i stret long teritori bilong yupela, na mekim soim long pasin bilong tilim Wastaua bilong Novemba 15 na Awake! bilong Novemba. Long wanpela soim, pablisa i toktok wantaim man i tok “Mi no laik harim.”​​—⁠Lukim buk Toktok Gut, p. 16.

15 min: Skul Tiokratik Bilong Autim Tok Bilong 2007. Wasman skul i mekim wanpela tok na ol inteviu. Lukim Sediul Bilong Skul i stap long Wok Kingdom bilong Oktoba 2006 na kamapim sampela tok i stret long kongrigesen. Tokaut klia olsem wasman skul i no gat wok long tokim odiens pastaim long Stadi em sumatin i wok long en. Ol brata i kisim asainmen bilong kamapim ol bikpela tok bilong Baibel ritim, na ol bratasista i gat laik long bekim tok, ol i ken mekim wok long “Indeks Bilong Ol Tok Bilong Wastaua.” Dispela indeks i stap long Wastaua bilong Disemba 15 long olgeta yia. Na narapela gutpela helpim em ol Skripsa Indeks. Long Baibel ritim long Buk Daniel, ol i ken mekim wok long buk Putim Yau Long Tok Profet Bilong Daniel. Mekim inteviu long tupela o tripela pablisa: wanpela nupela sumatin, wanpela yangpela sumatin i wok long kamap strong, na wanpela sumatin i save pinis long pasin bilong mekim gut tok. Ol i ken stori long olsem wanem dispela skul i bin helpim ol long wok autim tok na long kamap strong long ol samting bilong spirit. Kirapim olgeta sumatin long wok strong long inapim ol asainmen bilong ol, na long kamapim tingting bilong ol long Baibel ritim bilong wik, na bihainim ol gutpela tok ol i kisim long olgeta wik long buk Skul Tiokratik Bilong Autim Tok.

20 min: “No Ken Lusim Laik Yu Bin Kisim Pastaim.”a Skelim gut taim, na tokim odiens long stori long ol skripsa ol i no raitim tok bilong en.

Singsing 193 na beten.

Wik i Kirap Long Disemba 18

Singsing 150

10 min: Ol toksave bilong kongrigesen. Sampela Toksave bilong Wok Kingdom. Stori long ol bung bilong autim tok long Disemba 25.

15 min: “Go Bek Lukim Olgeta Man i Gat Laik Long Harim Tok.”b Singautim odiens long stori long olsem wanem ol i bin kisim atres o telefon namba samting bilong ol man i gat laik long harim tok, em ol i bin bungim ol taim ol i autim tok long rot o long kain kain taim na ples, na ol i ken kamapim sampela gutpela ekspiriens ol i bin kisim taim ol i go bek lukim ol. Sampela de paslain long miting, stretim tok wantaim wanpela o tupela pablisa bilong stori long dispela.

20 min: “Pasin Bilong Volantia i Save Kamapim Ol Blesing.”c Mekim inteviu long wanpela o tupela pablisa em ol i save volantia planti taim long mekim wok. Ol i bin volantia long mekim wanem wok? Wanem sampela samting ol i bin stretim na bai ol inap mekim dispela wok, na ol i bin stretim olsem wanem? Pasin bilong ol long volantia i bin kamapim wanem ol blesing?

Singsing 108 na beten.

Wik i Kirap Long Disemba 25

Singsing 210

8 min: Ol toksave bilong kongrigesen. Kamapim ripot bilong ol akaun na tok tenkyu long ol kontribiusen ol bratasista i putim. Mekim wok long ol tok i stap long laspela pes o sampela narapela tok i stret long teritori bilong yupela na mekim soim long pasin bilong tilim Wastaua bilong Disemba 1 wantaim Awake! bilong Novemba. Long pinis bilong soim, kamapim wanpela askim bilong kirapim tingting bilong man, em pablisa i ken bekim long rot bilong buk Baibel i Tok taim em i mekim gobek.

17 min: Sampela tok bilong helpim kongrigesen. O wanpela elda i ken mekim tok long Wastaua bilong Janueri 1, 1988, p. 21-4, “Lukautim Famili​—⁠Yu Mas Lukautim Husat Tru?” Kamapim klia husat ol i famili tru em Kristen i gat wok long lukautim, olsem 1 Timoti 5:8 i tok.

20 min: “Yu Gat Laik Long Kisim Hap Teritori Bilong Yu Yet?”d Wasman autim tok i ken stori liklik tu long teritori bilong kongrigesen i go inap long wanem hap, na kongrigesen i autim tok long teritori planti taim o nogat, na wanem ol teritori ol pablisa i ken holim bilong ol yet.

Singsing 219 na beten.

Wik i Kirap Long Janueri 1

Singsing 158

8 min: Ol toksave bilong kongrigesen. Kirapim ol pablisa long putim ripot bilong wok autim tok bilong Disemba. Singautim ol pablisa long stori long sampela gutpela ekspiriens ol i bin kisim long taim ol i go long kibung distrik.

10 min: Stori long Askim.

12 min: Stori long “Nupela Program Bilong Kibung Sekit” na “Nupela Program Bilong Spesel De Kibung.” Kirapim laik bilong ol brata long ol i mas i kam bung long dispela tupela bikpela kaikai bilong spirit long 2007.

15 min: Putim Ripot Bilong Wok Autim Tok. Wanpela tok na kamapim sampela askim long buk Oganaisesen Bilong Mekim Laik Bilong Jehova, kirap long het tok long pes 83 i go long pinis bilong sapta.

Singsing 65 na beten.

[Ol Futnot]