Ol Askim Bilong Stadi Long Buk Kisim Skul Long Bikpela Tisa
Pasin Bilong Mekim Stadi Long Buk Tisa
Bilong stadi gut long dispela buk, putim namba long ol paragraf bilong olgeta wan wan sapta, na putim tu long tok i go pas i stap long pes 6 na 7. Long wan wan hap, ritim olgeta paragraf wantaim. Long taim bilong stadi, sapos i stret yupela i ken skelim ol skripsa i stap long pinis bilong sapta.
Taim yupela i stadi long dispela buk long Baibel Stadi Bilong Kongrigesen, yupela i mas stadi inap wanpela sapta long olgeta wik. Tok i go pas i namba 1 stadi. Bai yumi mekim 49 stadi long dispela buk.
Tok i Go Pas Paragraf 1-5
1. Taim wanpela bebi i kamap, bilong wanem ol man i kolim dispela olsem wanpela mirakel?
2. Ol pikinini i mas kisim wanem helpim long papamama?
3. Bilong wanem Baibel i mas i stap olsem as bilong ol tok papamama Kristen i skulim ol pikinini long en, na save bilong ol man o pasin bilong ples, nogat? (Sindaun 3:5, 6; 14:12; Aisaia 30:21)
Paragraf 6-10
4. Ol askim bilong dispela buk i gat wanem samting bilong helpim ol papamama long skulim ol pikinini? Bekim bilong ol pikinini inap helpim ol papamama long kisim save long wanem samting?
5. Ol i wokim ol piksa olsem wanem bilong skulim gut ol pikinini?
6. Lain i wokim dispela buk i gat wanem laik?
Sapta 1 Paragraf 1-6
1. Jisas i mekim wok tisa bilong em olsem wanem?
2. Olsem wanem Jisas i kamap gutpela Pikinini na Bikpela Tisa?
3. Long wanem rot Jisas i narapela kain long olgeta narapela man?
Paragraf 7-11
4. Olsem wanem ol pikinini inap save Jisas i laikim ol tru?
5. Bilong wanem Jisas i skulim ol pikinini? Pasin bilong em inap lainim yumi long wanem samting?
6. Jisas i tok ol man i bikpela pinis ol i mas kamap olsem liklik pikinini, wanem mining bilong dispela tok?
Paragraf 12-16
7. Jisas i skulim ol man long wanem samting taim em i toktok long ol pisin na plaua?
8. Olsem wanem tok bilong Jisas inap helpim man long save olsem i gutpela long em i kisim wok mani we em i mas i stap longwe long famili o nogat?
9. Yu ting wanem tok bilong Jisas long Bikpela Tok Long Maunten i soim olsem em i bikpela samting long yumi putim God i stap namba wan long laip bilong yumi?
Paragraf 17-21
10. Olsem wanem yumi ken harim tok bilong Jisas? Wanem samting bai kamap sapos yumi mekim olsem?
11. Long wanem taim God i tokim ol disaipel bilong Jisas long harim tok bilong Jisas? Olsem wanem yumi inap i stap amamas tru?
Sapta 2 Paragraf 1-7
1. Wanem samting i mekim na Baibel i winim tru olgeta narapela buk?
2. God i bin kamapim Baibel long wanem rot? Bilong wanem yumi ken bilip olsem God inap salim tok long heven i kam daun long graun?
Paragraf 8-12
3. Husat em i namba wan man long raitim sampela tok bilong Baibel? Ol i bin raitim Baibel insait long hamas yia?
4. Kolim nem bilong sampela man i bin raitim Baibel, na makim ol i stap we long ol dispela piksa.
5. Taim ol samting i no kamap yet, olsem wanem ol man bilong raitim Baibel i save long ol dispela samting bai kamap?
Paragraf 13-18
6. Bilong wanem olgeta man inap kisim save long ol tok i stap long pas bilong God i go long ol manmeri?
7. Baibel i tokim yumi long wanem sampela bikpela tok?
8. Olsem wanem yumi ken soim olsem yumi gat savetingting na yumi amamas tru long Tok Bilong God?
Sapta 3 Paragraf 1-10
1. God i wokim yu olsem wanem na yu ken amamas long dispela?
2. God i wokim husat pastaim? Olsem wanem yumi save long dispela?
3. Bilong wanem God i wokim ol samting i gat laip?
4. Olsem wanem God i soim olsem em i laikim tru yumi?
Paragraf 11-21
5. Yu ken stori long wanem ol samting bilong kamapim klia olsem God i stap tru?
6. Bilong wanem yumi no ken traim long wokim imis i makim God?
7. Olsem wanem yumi ken tok tenkyu long God?
Sapta 4 Paragraf 1-6
1. Wanem samting i soim olsem nem em i bikpela samting?
2. Wanem nem bilong God? Bilong wanem yumi mas yusim dispela nem?
3. Olsem wanem Jisas i bin yusim nem bilong God na lainim ol narapela long mekim olsem?
Paragraf 7-14
4. God i tokim Moses long wanem samting bilong nem bilong Em?
5. Jehova i tokim Fero long wanem samting bilong nem bilong Em?
6. Olsem wanem Jehova i bin kamapim nem bilong em? Olsem wanem em i mekim dispela long nau?
Paragraf 15-19
7. Yu inap lukim nem bilong God long wanem hap bilong Baibel bilong yu?
8. Olsem wanem yu ken soim olsem yu laikim tru Jehova?
Sapta 5 Paragraf 1-8
1. Olsem wanem Pikinini Bilong God i bin kamap long graun? (Luk 1:26-38)
2. Jisas na Maria i stap gutpela piksa long wanem samting? Olsem wanem yumi ken bihainim pasin bilong tupela?
3. Olsem wanem na rot Jisas i bin kamap long en i narapela kain long ol arapela bebi?
Paragraf 9-17
4. Wanem ol samting i kamap long nait mama i karim Jisas?
5. Jisas i kamap bikpela long wanem ples? Bihain em i mekim wanem na God i amamas long dispela? (Song 40:6-8)
6. Pasin bilong Jisas inap lainim yumi long wanem ol narapela samting?
Sapta 6 Paragraf 1-4
1. Planti man i laikim wanem samting? Ol disaipel bilong Jisas i mekim wanem na dispela i soim olsem sampela taim ol i gat wankain tingting?
2. Jisas i bin skulim ol disaipel long wanem samting, em pastaim ol i no bin kisimgut?
Paragraf 5-11
3. Jisas i mekim wanem long nait paslain long em i dai? Dispela i skulim ol disaipel long wanem samting?
4. Sapos yumi bihainim pasin bilong Jisas, wanem ol gutpela samting bai kamap?
Paragraf 12-17
5. Yu ken mekim wanem bilong helpim famili?
6. Olsem wanem yu ken helpim ol lain i stap long skul na long ol narapela ples?
7. Bilong wanem yumi mas helpim ol narapela, maski ol i no tenkyu long dispela?
Sapta 7 Paragraf 1-9
1. Bilong wanem em i savetingting long harim tok bilong ol man i gat bikpela krismas?
2. Beten bilong Jisas i stap long Luk 22:42 i lainim yumi long wanem samting?
3. Taim yumi bihainim tok bilong God, yumi soim wanem samting?
Paragraf 10-15
4. Olsem wanem ol pikinini i ken bihainim tok bilong Efesus 6:1-3? Bilong wanem ol i mas mekim olsem?
5. Olsem wanem pasin bilong bihainim tok i bin lukautim ol man long bipo?
Paragraf 16-19
6. Olsem wanem pasin bilong bihainim tok inap lukautim ol pikinini long nau?
7. Olsem wanem pasin bilong bihainim tok bilong God inap helpim olgeta man long nau?
Sapta 8 Paragraf 1-5
1. Husat i gat bikpela namba na strong, winim ol manmeri?
2. God i bin mekim wanem mirakel bambai Jisas i ken kamap olsem pikinini long graun?
3. Jisas i tok wanem bilong soim olsem em i bin stap pinis paslain long em i kamap man?
Paragraf 6-11
4. Adam tupela Iv inap kisim wanem kain laip sapos ol i bin bihainim tok bilong God?
5. Stat 2:17 i lainim yumi long wanem bikpela samting?
Paragraf 12-19
6. Olsem wanem wanpela ensel em God i bin wokim i giamanim Iv?
7. Pasin bilong Adam tupela Iv long sakim tok bilong God i kamapim wanem samting?
8. Bilong wanem wanpela gutpela ensel i kamap ensel nogut?
9. Olsem wanem yumi ken bihainim pasin bilong Jisas na soim olsem Satan em i man bilong giaman?
Sapta 9 Paragraf 1-4
1. Taim traim i kamap, bilong wanem yumi no ken pundaun na mekim pasin i no stret?
2. Baibel i tok taim Jisas i kisim baptais “heven i op,” wanem mining bilong dispela tok?
Paragraf 5-13
3. Olsem wanem Satan i bin traim Jisas long namba wan taim? Olsem wanem Jisas i sakim em?
4. Namba tu traim bilong Satan i wanem kain? Jisas i tok wanem?
5. Yumi ken lainim wanem samting long namba tri traim i bin painim Jisas?
Paragraf 14-20
6. Wanem samting inap traim yumi long inapim sampela laik bilong skin o long mekim sampela longlong pasin?
7. Long wanem taim i hatwok tru long mekim pasin i stret? Wanem samting bai helpim yumi long mekim olsem?
Sapta 10 Paragraf 1-6
1. Bilong wanem wanpela ensel i kamap birua bilong God?
2. Sampela narapela ensel i mekim wanem? Bilong wanem dispela em i nogut?
3. Ol pikinini bilong ol dispela ensel i wanem kain? God i mekim wanem bilong stretim ol hevi i stap long graun?
Paragraf 7-11
4. Satan na ol spirit nogut i mekim wanem long nau? Ol inap mekim wanem long yumi?
5. Ol spirit nogut i traim long kirapim ol pikinini long mekim wanem?
Paragraf 12-17
6. Ol spirit nogut i laikim wanem ol samting nogut? Planti taim ol man i kisim save we long ol dispela samting?
7. Ol spirit nogut i gat bikpela strong, tasol bilong wanem yumi no ken pret long ol?
Sapta 11 Paragraf 1-11
1. Bilong wanem yumi ken bilip long ol samting yumi no inap lukim?
2. Yumi bin lainim pinis wanem samting long ol gutpela ensel na ol ensel nogut?
3. Ol ensel i save toktok long wanem ol samting? Bilong wanem yu bilip olsem ol ensel i save tingim yumi?
4. Olsem wanem ol ensel i bin helpim ol man long bipo em ol i laikim tru God?
Paragraf 12-17
5. Ol ensel bilong God i save mekim wanem spesel wok bilong helpim ol wokman bilong God long graun?
6. Ol ensel bilong God i bin helpim Pol long mekim wanem wok?
7. Klostu nau ol ensel bai helpim God long mekim wanem bikpela wok?
Sapta 12 Paragraf 1-7
1. Beten em i wanem samting? Olsem wanem yumi save ol beten yumi yet i mekim na ol beten wanpela i mekim long ai bilong ol narapela, tupela wantaim i stret?
2. Bilong wanem i stret long yumi tok “Amen” long pinis bilong beten? Wanem mining bilong dispela tok?
3. Taim wanpela i mekim beten long ol miting, bilong wanem em i bikpela samting long yumi mas putim gut yau, na no ken lukluk raun o mekim pairap?
4. Beten bilong Nehemia i lainim yumi long wanem samting?
Paragraf 8-10
5. Yumi mas tingim wanem bikpela samting long pasin bilong beten?
6. Yumi ken beten na tokim God long wanem ol samting?
Paragraf 11-17
7. Jisas i lainim ol disaipel bilong em long beten long wanem tripela bikpela samting?
8. Jisas i tok yumi mas beten long wanem ol narapela samting?
Sapta 13 Paragraf 1-7
1. Yumi mas mekim wanem bilong stap disaipel bilong Jisas?
2. Pastaim husat 6-pela man i kamap disaipel bilong Jisas? Yu save long wanem sampela samting bilong ol dispela man?
3. Husat 4-pela disaipel i go bek long wok bilong ol long kisim pis? Bihain, taim Jisas i singautim ol long bihainim em, ol i mekim wanem?
Paragraf 8-12
4. Taim ol man i kamap disaipel bilong Jisas, ol i mas redi long mekim wanem?
5. Husat i no bihainim singaut bilong Jisas long kam bihainim em? Bilong wanem em i no laik bihainim Jisas?
6. Jisas i makim husat long kamap 12-pela aposel bilong em?
7. Husat bilong ol 12-pela aposel i kamap man nogut? Husat i kisim ples bilong em?
8. Husat ol narapela man tu i kamap aposel?
Paragraf 13-16
9. Olsem wanem yumi save ol meri inap kamap disaipel bilong Jisas?
10. Ol disaipel tru bilong Jisas bai mekim wanem kain pasin? Ol bai mekim we dispela kain pasin?
Sapta 14 Paragraf 1-5
1. Yumi mas mekim wanem kain pasin long ol man i no mekim gutpela pasin long yumi?
2. Jisas i tok: ‘Yu mas lusim rong bilong narapela inap 70 taim 7-pela taim,’ wanem mining bilong dispela tok?
3. Taim Jisas i bekim pinis askim bilong Pita, Jisas i mekim wanem?
Paragraf 6-13
4. King i mekim wanem kain pasin long wokboi husat i gat bikpela dinau long em?
5. Wokboi i mekim wanem kain pasin long wanwok bilong em husat i gat liklik dinau long em?
6. King i mekim wanem taim em i harim stori long pasin dispela wokboi i mekim?
Paragraf 14-18
7. Husat i olsem dispela king long stori bilong Jisas?
8. Stori bilong Jisas i lainim yumi long wanem samting?
9. Bai yu mekim wanem sapos wanpela i askim yu long lusim rong em i bin mekim long yu, maski yu bin lusim rong bilong em planti taim pinis?
Sapta 15 Paragraf 1-7
1. Pasin bilong tingting nogut long narapela em wanem samting? Bilong wanem yu ting i no stret long mekim olsem?
2. Wanpela man i save tingting nogut long ol narapela em i askim Jisas long em i mas mekim wanem bilong kisim laip oltaim, orait pastaim Jisas i tok wanem?
3. Bilong painim eskius long pasin bilong em long tingting nogut long ol narapela, dispela man i tok wanem?
Paragraf 8-15
4. Jisas i mekim wanem stori bilong helpim dispela man?
5. Taim Jisas i pinisim stori, em i mekim wanem askim long dispela man? Man hia i tok wanem?
Paragraf 16-19
6. Olsem wanem stori bilong Jisas i soim olsem husat i wantok bilong yumi?
7. Olsem wanem yumi save Jehova i no save tingting nogut long wanpela man?
8. Olsem wanem yumi ken stap olsem man i save mekim gut long ol narapela?