Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Epril 30, 2007. Wasman skul bai mekim riviu inap 30 minit long ol tok i bin kamap insait long skul long wik i kirap long Mas 5 i go inap long Epril 30, 2007. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Olsem wanem yumi ken yusim wanpela autlain em yumi no raitim planti tok long en? [be p. 168 par. 4]
2. Kolim fopela samting yumi ken mekim bilong bungim gut ol tok yumi laik mekim. [be p. 170 par. 3–p. 172 par. 4]
3. Yumi mas tingim wanem ol samting taim yumi skelim ol tok yumi bai kamapim long tok bilong yumi? [be p. 173 par. 1-2]
4. Wanem sampela gutpela samting i save kamap long pasin bilong kamapim tok i stap long tingting? [be p. 175 par. 3-5]
5. Bilong wanem pasin bilong mekim tok long pasin i olsem yumi toktok wantaim man i bikpela samting? Olsem wanem yumi ken kisim dispela pasin? [be p. 179 par. 4, blok; p. 180, blok]
TOK NAMBA 1
6. Brata ol i makim bilong kamapim ol bikpela tok bilong Baibel ritim bilong wik em i mas redim tok bilong em olsem wanem? [be p. 47 par. 3-4]
7. Yumi kisim ol gutpela samting long rot bilong pe Krais i givim bilong baim bek yumi, tasol wanem samting i bikpela samting moa yet em dispela pe i mekim? [w05 11/1 p. 14 par. 1]
8. Olsem wanem brata i mekim pablik tok i ken mekim wok long ol skripsa i stap long autlain? [be p. 53 par. 1-2]
9. Wanem samting i stiaim pasin bilong Jisas long mekim wok tisa bilong em? Olsem wanem yumi ken bihainim pasin bilong em? [be p. 57 par. 1]
10. Olsem wanem pasin bilong skelim olsem wanem tupela samting i narapela narapela kain i gutpela rot bilong skulim ol man? [be p. 57 par. 3-4]
BAIBEL RITIM BILONG WIK
11. Olsem wanem yumi inap bihainim tok bilong Jeremaia 6:16 long wokabaut long “gutpela rot ol tumbuna i bin bihainim”?
12. Bilong wanem Jehova i mekim wok long pisin stok bilong skulim ol bikhet Juda? Dispela inap skulim yumi long wanem samting? (Jer. 8:7, NW )
13. Olsem wanem yumi ken bihainim tok bilong Jeremaia 15:17 long ol samting bilong amamas?
14. Olsem wanem ol man i olsem graun long han bilong Man Bilong Wokim Sospen Graun, em Jehova? (Jer. 18:5-11)
15. Olsem wanem pasin ol i bihainim bilong raitim nem bilong ol lain long Jeremaia 25:17-26 i bikpela samting long taim bilong yumi?