Ol Toksave

◼ Epril 1-2: Spesel wok bilong tilim pepa bilong singautim ol man i kam long Memorial. Epril 3–Me: Wastaua na Kirap! Taim yumi mekim gobek long ol man i laik harim tok, na ol man i save kam long Memorial na ol kibung, tasol ol i no save bung wantaim kongrigesen, wok strong long tilim buk Baibel i Tok na tingting long kirapim wanpela Baibel stadi. Jun: Buk Rot Bilong Famili i Ken Stap Amamas. Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, Was i Stap!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat?

◼ Ol kuskus bilong kongrigesen i mas i gat ol Aplikesen Bilong Mekim Wok Painia Oltaim (S-​205-MP) na Aplikesen Bilong Wok Painia Haptaim (S⁠-⁠205b-MP). Yupela i ken putim oda bilong kisim ol dispela fom long fom Literature Request Form (S-​14-E). Yupela i mas holim planti bilong dispela fom, inap long wanpela yia. Paslain long yupela i salim ol aplikesen bilong wok painia oltaim i kam long brens ofis, yupela i mas sekim ol gut olsem ol bratasista i raitim stret olgeta tok o nogat.

◼ Ol atres na telefon namba bilong ol wasman siaman na ol kuskus em brens ofis i holim ol i mas stret. Sapos sampela senis i kamap long atres o telefon namba, orait Kongrigesen Sevis Komiti i mas raitim ol tok long fom Presiding Overseer/Secretary Change of Address (S-​29-E), na sainim nem bilong ol na salim kwik i go long brens ofis.

◼ Taim yu laik raun long narapela kantri na yu laik go long ol miting bilong kongrigesen, o kibung sekit, o kibung distrik long dispela kantri, yu mas raitim pas i go long brens ofis bilong dispela kantri bilong kisim save long det, taim, na ples ol bung bai kamap long en. Atres bilong ol brens ofis i stap long laspela pes bilong Yearbook bilong dispela yia.