Ol Toksave

◼ Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, Was i Stap!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat? Septemba: Tru Tru Baibel i Tok Wanem? Wok strong long kirapim Baibel stadi taim yu bungim man long namba wan taim. Taim ol man bilong haus i holim pinis dispela buk, mekim sotpela Baibel stadi na bai ol i ken lukim olsem wanem dispela buk inap helpim ol. Oktoba: Wastaua na Kirap! Sapos man i laik harim tok, tilim na toktok long liklik nius Yu Laik Kisim Sampela Save Moa Long Baibel?

◼ Ol ripot brens ofis i kisim pinis i soim olsem inap 20,908 i bin kam long Memorial bilong 2007. Dispela namba bai go antap, long wanem, brens i wet yet long kisim 21 ripot moa long sampela kongrigesen na grup.

◼ Septemba i gat 5-pela wiken, olsem na em i gutpela mun bilong mekim wok painia haptaim.

◼ Em i gutpela long salim aplikesen bilong wok painia oltaim long brens ofis inap 30 de paslain long de brata o sista i putim aplikesen i laik kirap mekim wok painia. Kuskus bilong kongrigesen i mas sekim gut fom bilong save dispela brata o sista i raitim olgeta tok long fom o nogat. Sapos brata o sista i no inap tingim de stret em i bin kisim baptais, orait em i mas makim wanpela det na raitim na tingim dispela det. Kuskus i mas raitim dispela det long kat Congregation’s Publisher Record (S-​21-E).

◼ Long Septemba 1, 2007 i gat wok long kaunim hamas buk na nius i stap long kongrigesen. Dispela wok i wankain olsem wok yupela i save mekim long olgeta mun, na yupela i mas raitim namba bilong ol buk na nius long fom Bilong Kaunim Ol Litresa (S-​18-MP). Magasin sevan bai tokim yupela long hamas magasin i stap na yupela i ken raitim dispela namba long fom. Kuskus i mas bosim dispela wok. Olgeta kongrigesen bai kisim tupela fom bilong mekim dispela wok. Plis salim namba wan kopi long brens ofis paslain long Septemba 6. Putim namba tu kopi long fail bilong kongrigesen.

◼ Namel pepa bilong dispela Wok Kingdom i kolim ol senis bilong sampela tok bilong buk Kamapim Tok Hait, em olgeta wan wan i mas raitim long buk bilong ol yet. Olgeta i mas mekim olsem bilong redi long Buk Stadi Bilong Kongrigesen kirap long wik bilong Ogas 13, 2007.

◼ Miting bilong olgeta yia bilong lain International Bible Students Association of Papua New Guinea Incorporated bai kamap long Sarere, Oktoba 6, 2007, long 4 klok long apinun long brens ofis.