Ol Miting Bilong Wok

Harim: Long olgeta wik bilong Novemba na Disemba Wok Kingdom bai i gat sediul bilong mekim Miting Bilong Wok. Ol kongrigesen i ken senisim sampela hap bilong miting bambai ol i ken i go long “Bihainim Krais!” Kibung Distrik. Long laspela Miting Bilong Wok paslain long kibung, lusim 15 minit bilong kolim gen ol tok i stap long namel pepa bilong Wok Kingdom bilong dispela mun na i stret long hap bilong yupela. Wanpela o tupela mun bihain long kibung, makim 15 i go 20 minit samting long wanpela hap bilong Miting Bilong Wok (kain olsem hap bilong mekim tok bilong helpim kongrigesen) bilong mekim riviu long ol tok bilong kibung em ol pablisa i pilim olsem i gutpela bilong helpim ol long wok autim tok. Wasman autim tok i mas mekim riviu. Askim odiens long stori long olsem wanem ol i bin mekim wok long ol dispela tok o ol i tingting long mekim wok long en olsem wanem long wok autim tok bilong ol.

Wik i Kirap Long Oktoba 8

Singsing 56

8 min: Ol toksave bilong kongrigesen. Bihainim ol tok i stap long laspela pes o ol narapela tok i stret long teritori bilong yupela, na mekim soim long pasin bilong tilim Wastaua bilong Septemba 15 na Awake! bilong Septemba. Long tupela soim wantaim, pablisa i tilim tupela nius wantaim maski em i stori long wanpela nius tasol.

17 min: Stap Klostu Long Oganaisesen Bilong Jehova. Wanpela tok na kamapim sampela askim long sapta 17 bilong buk Oganaisesen Bilong Mekim Laik Bilong Jehova.

20 min: “Wok Bilong Tokaut Long ‘Bihainim Krais!’ Kibung Distrik.”a Taim yu stori long par. 3, askim odiens long stori long ol ekspiriens ol i bin kisim long tilim invatesen pepa bilong kibung distrik long las yia o yu ken stori long ol tok bilong 2007 Yearbook, kirap long p. 7 i go inap long liklik het tok long p. 10.

Singsing 10

Wik i Kirap Long Oktoba 15

Singsing 67

10 min: Ol toksave bilong kongrigesen. Sampela Toksave bilong Wok Kingdom.

20 min: Tok i Tru i Karim Kaikai Long Ol Man Yu Skulim Ol? Wanpela tok na kamapim sampela askim long Wastaua bilong Februeri 1, 2005, p. 28-​30. Stori long olsem wanem ol askim i stap insait long buk Baibel i Tok i gutpela bilong helpim yumi long save long ol samting sumatin i pilim long bel. Skelim sampela bilong ol dispela tok i stap long par. 19 bilong sapta 1, par. 4 bilong sapta 2, par. 24 bilong sapta 3, na par. 18 bilong sapta 4. Kirapim ol pablisa long mekim gut wok long ol narapela narapela hap bilong buk.

15 min: Yu Tingim Yet? Toktok wantaim odiens na kamapim sampela askim long Wastaua bilong Ogas 15, 2007, p. 19.

Singsing 151

Wik i Kirap Long Oktoba 22

Singsing 175

10 min: Ol toksave bilong kongrigesen. Kamapim ripot bilong ol akaun na tok tenkyu long ol kontribiusen. Bihainim ol tok i stap long laspela pes o narapela tok i stret long teritori bilong yupela, na mekim soim long pasin bilong tilim Wastaua bilong Oktoba 1 na Kirap! bilong Oktoba-Disemba.

15 min: Tok bilong helpim kongrigesen.

20 min: Wokabaut Yet Olsem Ol Pikinini Bilong Lait. Wanpela tok na ol inteviu. Yumi lusim pinis tudak bilong dispela graun na larim lait bilong Jehova i stiaim wokabaut bilong yumi. (Ef. 5:​8, 9) Dispela i mekim na sindaun bilong yumi i kamap gutpela na i gat as bilong en. (1 Ti. 4:⁠8) Dispela lait i mekim na yumi wetim gutpela samting i kamap bihain. (Ro. 15:⁠4) Inteviuim tupela o tripela pablisa em ol i laik pas gut wantaim Jehova na stap gut long em na long dispela as ol i bin karim sampela bikpela hevi. Wanem sampela hevi ol i karim taim ol i laik kam insait long tok i tru? Ol i mekim wanem samting bilong winim ol dispela hevi? Long wanem rot sindaun bilong ol i gutpela long nau? Wanem samting i helpim ol long stap strong yet insait long tok i tru? Bilong pinisim tok, strongim olgeta long wok strong yet long pas gut wantaim Jehova na kamapim klia olsem ol i pilim tru tok i tru em Jehova i bin kamapim klia long ol.​—⁠2 Pi. 1:​5-8.

Singsing 23

Wik i Kirap Long Oktoba 29

Singsing 124

8 min: Ol toksave bilong kongrigesen. Kirapim ol pablisa long putim ripot bilong wok autim tok bilong Oktoba. Kolim ol samting bilong tilim long Novemba, na mekim wanpela soim long pasin bilong tilim.

15 min: Putim Ol Mak Bilong Spirit Long Givim Biknem Long God. Wanpela tok na kamapim sampela askim long Wastaua bilong Julai 15, 2004, p. 21-3. Askim odiens long stori long ol mak bilong spirit ol i bin putim na ol i mekim wanem samting bilong winim ol dispela mak. Sampela de paslain long miting, stretim rot long wanpela o tupela pablisa i ken stori long samting ol i bin mekim bilong winim mak bilong spirit ol i bin putim.

22 min: “Bihainim Krais Long Mekim Pasin i Soim Rispek.”b Kuskus bilong kongrigesen bai mekim dispela hap. Toksave long ol ples em kibung distrik bai kamap long en. Stori long blok “Ol Samting Bilong Kibung Distrik Yumi Mas Tingim.”

Singsing 7

Wik i Kirap Long Novemba 5

Singsing 156

7 min: Ol toksave bilong kongrigesen.

18 min: Lukautim Ol Pikinini Long Rot Bilong Savetingting i Kam Long God. Tok i kam long Wastaua bilong Janueri 1, 2005, p. 23-7.

20 min: “Strongim Bel Bilong Narapela Narapela.”c Askim odiens long stori long olsem wanem wasman raun i bin strongim ol taim em i visitim kongrigesen. Sampela de paslain long miting, stretim rot bilong wanpela o tupela pablisa i ken stori long dispela samting.

Singsing 192

[Ol Futnot]