Ol Toksave

◼ Novemba: Kisim Skul Long Bikpela Tisa. Sapos man i tok em i no gat pikinini, orait tilim buklet Was i Stap! Disemba: Nambawan Man Tru i Winim Olgeta Narapela Man o Rot Bilong Famili i Ken Stap Amamas. Janueri: Rot Bilong Famili i Ken Stap Amamas o Save i Bringim Man Long Laip Oltaim. Februeri: Rot Bilong Famili i Ken Stap Amamas.

◼ Kongrigesen i ken kirap nau na putim oda bilong volium bilong The Watchtower na Awake! bilong 2007, Watch Tower Publications Index 2007, na Watchtower Library​—⁠2007 Edition long CD⁠-⁠ROM wantaim oda bilong neks mun. Tingim: Watchtower Library​—⁠2007 Edition em i bilong ol bratasista i baptais pinis tasol na ol inap kisim long rot bilong kongrigesen tasol.

◼ Wasman siaman o wanpela brata em i makim i mas skelim ol akaun bilong kongrigesen long Disemba 1 o kwiktaim bihain long en. Taim em i mekim pinis, orait toksave long kongrigesen long dispela samting taim yupela i kamapim ripot bilong akaun long narapela miting.

◼ Ol pablisa i no gat wok moa long putim Ripot Bilong Stadi (S-3-MP) bilong olgeta wan wan Baibel stadi ol i mekim insait long mun. Tasol ol i mas putim yet namba bilong Baibel stadi ol i mekim long fom Ripot Bilong Wok Autim Tok (S-4-MP) long hap i stret long mekim olsem. Kirap long nau, dispela fom S-3-MP i bilong putim ol ripot bilong ol miting bilong kongrigesen tasol.

◼ Yumi gat Web-sait bilong Sosaiti i stap pinis long baksait bilong olgeta magasin na liklik nius bilong yumi, olsem na no ken givim E-meil atres bilong yupela yet long man i gat laik long harim tok. Sapos wanpela pablisa i laik raitim atres samting bilong em yet long pepa na givim long ol man em i bungim long teritori, o long taim em i mekim gobek, dispela em samting bilong em yet long makim. Yumi mas i go bek lukim man i gat laik long harim tok na yumi no ken larim ol i kam painim yumi bilong kisim sampela save moa. Yumi inap soim olsem yumi tingim tru man taim yumi bungim man stret na toktok wantaim em.