Ol Miting Bilong wok

Wik i Kirap Long Februeri 11

Singsing 168

10 min: Ol toksave bilong kongrigesen. Mekim wok long ol tok i stap long laspela pes o ol narapela tok i stret long teritori bilong yupela, na mekim soim long pasin bilong tilim Wastaua bilong Janueri 1 na Awake! bilong Janueri.

15 min: Ripot Bilong Yu Long Wok Autim Tok. Wasman autim tok i skelim tok bilong buk Oganaisesen p. 85-7. Tokim ol pablisa olsem ol i no gat wok moa long givim fom Ripot Bilong Stadi (S-3-MP) bilong olgeta wan wan Baibel stadi ol i mekim insait long mun. Tasol ol i mas raitim yet hamas narapela narapela Baibel stadi ol i mekim long fom Ripot Bilong Wok Autim Tok (S-⁠4-MP) long hap i stret long mekim olsem. Wasman autim tok i mas soim ol pablisa wanem hap bilong fom ol i ken raitim namba bilong narapela narapela Baibel stadi. Stori long ol pablisa long pasin bilong kaunim namba bilong ol gobek ol i bin mekim.

20 min: Helpim Ol Nupela Long Kamap Gutpela Wokman Bilong God. Kirap bilong tok i no ken winim wanpela minit na bihain mekim ol askim na bekim long Wastaua bilong Disemba 1, 2005, p. 31 na mekim wok long ol askim i stap pinis long Wastaua. Taim yupela i skelim pinis paragraf 18, mekim soim olsem man bilong haus i givim askim long nupela pablisa husat i wok wantaim wanpela pablisa i save gut long wok autim tok. Nupela pablisa i no bekim gut askim, na man bilong haus i no laik toktok moa wantaim ol. Taim tupela i lusim man bilong haus na i go, pablisa i save gut long autim tok i tok amamas long nupela pablisa long wok em i bin mekim, na bihain em i soim nupela pablisa long olsem wanem em i ken mekim wok long buk Toktok Gut bilong autim tok long ol man i laik katim tok.

Singsing 50

Wik i Kirap Long Februeri 18

Singsing 17

10 min: Ol toksave bilong kongrigesen. Sampela Toksave bilong Wok Kingdom.

10 min: Tok  bilong  helpim kongrigesen.

25 min: “Ol Samting i Kamapim Klia Ol i Gat Bilip!”a Wasman autim tok bai lukautim dispela hap. Bilong pinisim tok, stori long ol gutpela wok kongrigesen i bin mekim long sevis yia i go pinis.

Singsing 194

Wik i Kirap Long Februeri 25

Singsing 81

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong mun Februeri. Kamapim ripot bilong akaun na tok tenkyu long ol kontribiusen. Mekim soim long pasin bilong mekim wok long invatesen pepa long singautim wanpela long famili o wanpela neiba long kam long Memorial.

20 min: “Tingim Gut Pe Bilong Baim Bek Man.”b Askim odiens long kamapim tok bilong sampela skripsa ol i no raitim tok bilong ol.

15 min: Redi Long Tilim Ol Nupela Magasin. Toktok wantaim ol bratasista na kamapim ol askim. Stori liklik long ol bikpela tok bilong Wastaua bilong Februeri 1 na Awake! bilong Februeri. Askim odiens long stori long wanem ol atikol bilong dispela tupela magasin ol i ting ol man long teritori bai amamas long ritim na bilong wanem ol i tok olsem. Askim odiens long stori long wanem ol poin bilong ol atikol ol i tingting long kamapim. Ol bai givim wanem askim bilong kirapim tok? Wanem skripsa long atikol ol i laik ritim? Mekim wok long ol tok bilong tilim ol magasin, na mekim soim long pasin bilong tilim Wastaua bilong Februeri 1 na Awake! bilong Februeri.

Singsing 119

Wik i Kirap Long Mas 3

Singsing 223

10 min: Ol toksave bilong kongrigesen. Stori long ol bikpela tok i stap long blok “Ol Samting Bilong Tingim Long Memorial.”

20 min: Yu Inap Kirapim Wanpela Baibel Stadi long mun Mas? Toktok wantaim ol bratasista na kamapim ol askim. Long Mas bai yumi tilim buk Baibel i Tok na bai yumi tingting strong long kirapim ol Baibel stadi. Stori liklik long sampela gutpela hap bilong dispela buk. Stori long olsem wanem yumi ken tilim dispela buk taim yumi go bek lukim man husat i bin i gat laik long harim tok taim yumi givim em invatesen pepa bilong Memorial, taim yumi go bek lukim man yumi bin tilim magasin long em, na taim yumi tilim dispela buk long taim yumi autim tok long ol haus bihain long Mas 22. (Lukim km 8/07 p. 3; km 3/06 p. 1, par. 3 km 2/06 p. 5-8.) Mekim wanpela o tupela soim long dispela.

15 min: Mekim Wok Long Baibel Taim Yu Bekim Ol Askim. Wanpela tok na kamapim sampela askim long buk Skul Bilong Autim Tok, p. 143-4. Mekim wanpela sotpela soim long man bilong haus i givim wanpela askim em planti man long teritori bilong yupela i save mekim, na pablisa i mekim wok long Baibel bilong bekim dispela askim.

Singsing 145

[Ol Futnot]