Ol Toksave

◼ Me: Wastaua na Kirap! Bai yumi wok strong long i go lukim ol nupela man i bin kam long Memorial na spesel pablik tok, tasol ol i no save bung oltaim wantaim kongrigesen. Yumi mekim olsem bilong kirapim Baibel stadi wantaim ol man i no stadi yet. Jun: Rot Bilong Famili i Ken Stap Amamas. Sapos kongrigesen i gat buk Save, buk Stap Oltaim, o ol narapela olpela buk i gat 192 pes, orait tilim ol dispela buk. Julai na Ogas: Sapos kongrigesen i gat buk Save i Bringim Man Long Laip Oltaim, buk Yu Inap i Stap Oltaim Long Paradais Long Graun, o ol narapela olpela buk i gat 192 pes, yupela i ken tilim wanpela bilong ol dispela buk. O yupela i ken tilim ol buklet long Tok Pisin em kongrigesen i gat, tasol no ken tilim God i Laik Yumi Mas Mekim Wanem? na Yu Inap i Stap Pren Bilong God.

◼ Namel pepa bilong Wok Kingdom em “Skripsa Indeks 2006.” Yupela i mas putim gut dispela pepa bambai yupela i ken yusim bihain taim yupela i mekim stadi bilong yupela yet. Bilong kisim save long pasin bilong mekim wok long dispela indeks, lukim Wastaua Buk na Nius Skripsa Indeks 1991-​2000. Bungim dispela nupela indeks wantaim ol narapela indeks yupela holim pinis.