Mekim Gutpela Wok Long Ol Olpela Buk
1 Sampela bilong yumi inap ting ol olpela buk i no inap helpim ol man long nau olsem ol nupela buk bilong yumi, tasol yumi mas tingim olsem tok i tru bilong Baibel i stap long ol dispela buk. Tok bilong Kingdom i stap long ol dispela buk i gutpela bilong helpim ol man long nau tu, na sapos ol i bihainim dispela tok, ol inap kisim laip. (Jo. 17:3) Olsem na yumi mas wok strong tru long mekim gutpela wok long ol dispela olpela buk. Ating sampela kongrigesen i gat yet ol olpela buk bilong yumi, olsem buk Stap Oltaim na buk Save. Long mun Jun, tilim dispela tupela buk wantaim buk Famili i Ken i Stap Amamas, na long Julai na Ogas tilim wantaim sampela buklet.
2 Tilim Ol: Yu ken tilim ol olpela buk taim yu autim tok long ol haus, na tu, yu ken tilim ol taim yu go bek lukim ol man em yu save ol i amamas long ritim ol buk bilong yumi, na tilim tu long ol man long magasin-raun bilong yu. Bilong helpim ol man yu stadi long Baibel wantaim ol, sampela olpela buk inap givim sampela save moa long ol, em dispela bai helpim ol long kliagut moa long tok i tru. Na no ken lusim tingting long kisim ol olpela buk bilong yu yet sapos yu no gat. Long dispela rot, yu inap kisim gutpela laibreri em inap helpim yu long stadi gut moa.
3 No ken larim ol olpela buk i stap nating, nogat, yumi mas mekim gutpela wok long ol bilong kirapim ol man yumi bungim long stap “aninit long God tasol na bihainim ol lo bilong em.”—Sav. 12:13.
This is a partial repeat of article in km 1/95 taken from part of km-E 1/95, “Making Good Use of Our Older Books.” Also repeated in km 1/96 and km 1/99.