Ol Miting Bilong Wok

Wik i Kirap Long Julai 14

Singsing 126

10 min: Ol toksave bilong kongrigesen. Bihainim ol tok i stap long laspela pes o narapela tok i stret long teritori bilong yupela, na mekim soim long pasin bilong tilim Wastaua bilong Jun 1 na Kirap! bilong Julai-Septemba.

15 min: Yu Gat Pasin Bilong “i No Pret Long Tokaut”? Wanpela tok i kam long Wastaua bilong Me 15, 2006, p. 13-​16. Kamapim klia olsem em i bikpela samting long yumi no ken pret long autim tok.

20 min: “Helpim Ol Rabisman Long Wetim Gutpela Samting.”a Taim yupela i skelim par. 2, sapos inap, kamapim sampela tok bilong Awake! bilong Septemba 8, 2003, p. 26-7.

Singsing 147

Wik i Kirap Long Julai 21

Singsing 95

10 min: Ol toksave bilong kongrigesen. Sampela Toksave bilong Wok Kingdom. Tokim odiens long bringim Wastaua bilong Julai 1 na Awake! bilong Julai long Miting Bilong Wok long wik antap, na redi long kamapim ol tok bilong tilim ol magasin i stret long teritori bilong yupela.

15 min: Tok bilong helpim kongrigesen.

20 min: “Redi Gut​​—⁠Rot Bilong Mekim Gut Ol Gobek.”b Mekim soim insait long 4-pela minit long pablisa i toktok long em yet bilong redi long mekim ol gobek. Em i skelim notbuk bilong em na i tok em i mas go lukim tupela man long dispela wiken. Em i tingim wan wan man na ol samting em i bin toktok wantaim ol long en, skelim tok em i laik mekim, na em i redim ol dispela tok. Long wanpela gobek, em i redim ol tok bilong kirapim man long stadi long Baibel. Long narapela gobek, em i redim ol tok bilong kirapim laik bilong man long kisim sampela save moa na i bihainim tok i stap long par. 5.

Singsing 189

Wik i Kirap Long Julai 28

Singsing 6

10 min: Ol toksave bilong kongrigesen. Kirapim olgeta long putim ripot bilong wok autim tok bilong mun Julai. Kamapim ripot bilong ol akaun na tok tenkyu long ol kontribiusen. Kolim ol samting bilong tilim long Ogas, na mekim sotpela soim long en.

15 min: Holimpas Tingting Olsem Taim i Sot Pinis. Mekim gut dispela tok i kam long Wastaua bilong Disemba 15, 2006, p. 18-​19, par. 17-​21.

20 min: Redi Long Tilim Ol Nupela Magasin. Toktok wantaim odiens na kamapim ol askim. Stori liklik long Wastaua bilong Julai 1 na Awake! bilong Julai, na bihain askim odiens long ol i ting ol man long teritori bai laikim wanem ol stori na bilong wanem ol i laikim ol dispela stori. Askim odiens long kamapim ol tok ol i tingting long mekim long sampela stori. Ol inap kamapim wanem ol askim bilong kirapim toktok? Ol i tingting long ritim wanem skripsa i stap long stori? Bihainim ol tok i stap long Wok Kingdom o wanpela tok odiens i kamapim, na mekim soim long pasin bilong tilim dispela Wastaua na Awake!

Singsing 106

Wik i Kirap Long Ogas 4

Singsing 222

10 min: Ol toksave bilong kongrigesen. Stori long blok, “Yu Bin Askim Sumatin Long Wanpela i Laik Stadi?”

15 min: Olsem Wanem? Ol Pikinini Bilong Yu i Redi Long Winim Ol Hevi i Painim Ol Long Skul? Wanpela tok na kamapim sampela askim. Kolim sampela hevi i save painim ol yangpela Kristen long skul. Stori long olsem wanem ol papamama na ol pikinini inap yusim buk Watch Tower Publications Index bilong painim ol tok i ken helpim ol. Stori long sampela tok olsem. (Lukim bikpela het tok “Schools,” na liklik het tok “experiences.”) Askim ol bratasista husat i bin go bikpela insait long famili Kristen, long stori long olsem wanem papamama bilong ol i bin redim ol long karim ol hevi na bihainim ol stiatok bilong Baibel long skul. Ol i ken stori tu long ol ripot ol i bin raitim long skul long ol tok ol i painim long Kirap! Askim ol long stori long olsem wanem pasin bilong autim tok long skul i bin lukautim ol.

20 min: “Yumi Daunim Ol Bilip Giaman.”c Askim odiens long stori olsem wanem tisa bilong ol long Baibel i no bin les long helpim ol long lusim ol bilip giaman ol i bin holim strong.

Singsing 83

[Ol Futnot]