Ol Toksave

◼ Septemba: Tru Tru Baibel i Tok Wanem? Wok strong long kirapim Baibel stadi long taim yu bungim man long namba wan taim. Sapos man bilong haus i gat dispela buk pinis, orait soim em long olsem wanem dispela buk inap helpim em, na soim em long pasin bilong mekim Baibel stadi. Oktoba: Wastaua na Kirap! Sapos man i gat laik long harim tok, orait tilim liklik nius Yu Laik Kisim Sampela Save Moa Long Baibel? na stori long en, na tingting long kirapim Baibel stadi. Novemba: Tru Tru Baibel i Tok Wanem? Wok strong long kirapim Baibel stadi. Disemba: Tilim buk Nambawan Man Tru i Winim Olgeta Narapela Man. Sapos ol i gat pikinini, tilim buk Kisim Skul Long Bikpela Tisa.

◼ Novemba i gat 5-pela wiken, olsem na em i gutpela taim bilong mekim wok painia haptaim.

◼ Ol kongrigesen i mas kirap nau long putim oda long 2009 Calendar of Jehovah’s Witnesses na 2009 Yearbook of Jehovah’s Witnesses wantaim oda bilong neks mun. Mipela bai salim buklet Skelim Sampela Tok Bilong Baibel Long Olgeta De​—⁠2009 inap long olgeta wan wan pablisa long ol kongrigesen na grup. Tasol sapos yupela i laik kisim sampela moa bilong ol pikinini na ol Baibel stadi, orait putim oda long pepa Literature Request Form (S-⁠14-E).

◼ Wanpela brata em siaman i makim i mas skelim ol akaun bilong kongrigesen bilong mun Jun, Julai, na Ogas. No ken makim wankain brata husat i bin skelim ol akaun long pastaim long skelim gen ol akaun long nau. Taim brata i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.​​—⁠Lukim pepa Instructions for Congregation Accounting (S-​27-E).

◼ Em i no stret long kisim mani bilong wanpela bokis kontribiusen na putim i go insait long narapela bokis kontribiusen. Em samting bilong olgeta wan wan man yet long makim olsem ol i laik helpim wanem wok, na ol i mekim olsem taim ol i putim mani long bokis kontribiusen i stret long helpim dispela wok.

◼ Mipela i laik kirapim ol elda long bihainim ol tok i stap long namel pepa bilong Wok Kingdom bilong Julai 1991 [w91-E 4/15, p. 21-3]. Em i stori long ol man i raus o i rausim ol yet na ating ol i laik kam bek long kongrigesen.