Ol Miting Bilong Wok

Wik i Kirap Long Septemba 8

Singsing 204

10 min: Ol toksave bilong kongrigesen. Askim odiens long stori long wanem ol hap bilong ol nupela magasin bai i stret long ol man long teritori. Askim ol long wanem ol askim na skripsa ol i laik mekim wok long en bilong kirapim tok. Stretim rot bilong mekim soim long pasin bilong tilim ol dispela magasin.

15 min: Helpim Ol Baibel Sumatin Long Kamap Tisa. Tok i kam long Wastaua bilong Janueri 15, 2007, p. 29-​30, par. 14-​20. Mekim sotpela soim long pablisa i stori long pablik tok na Stadi Wastaua long nupela Baibel stadi bilong em, na invaitim em long i kam harim tok.

20 min: Karim Hevi Long Ol Man i Bel Nogut Long Wok Autim Tok Bilong Yumi. Wanpela elda i kisim dispela tok long ol buk na nius bilong yumi i stori long pasin bilong ol man long bel nogut long wok autim tok bilong yumi. Stori long olsem wanem yumi inap daunim pasin bilong ol man long bel nogut. Sampela taim toktok na pasin bilong yumi long taim yumi autim tok na long taim yumi mekim ol narapela samting long i stap bilong yumi, dispela inap daunim pasin bilong ol man long bel nogut na kirapim ol long kisim save long tok i tru. Olsem na olgeta taim em i bikpela samting long yumi mas was gut long toktok na pasin bilong yumi. (1 Pi. 2:12; 3:​1, 2) Stori long sampela ekspiriens long hap bilong yupela o ekspiriens i stap long buk na nius i stori long olsem wanem yumi inap daunim pasin bilong ol man long bel nogut.

Singsing 127

Wik i Kirap Long Septemba 15

Singsing 94

5 min: Ol toksave bilong kongrigesen. Sampela Toksave bilong Wok Kingdom.

20 min: I Gat Gutpela Pe Long Wok Bilong Yu. Tok i kam long Wastaua bilong Epril 15, 2005, p. 28, par. 5, i go long pinis bilong p. 29. Inteviuim wanpela o tupela pablisa husat i save givim bel long autim tok na askim ol long stori long olsem wanem Jehova i inapim ol long ol samting bilong skin na ol samting bilong bel na tingting em ol i mas kisim.

20 min: “Pasin Bilong Yumi i Mas Bihainim Stret Gutnius.” Wasman siaman i mekim dispela tok olsem askim na bekim. Stori long samting i save kamap long planti kongrigesen, olsem klostu 25 i go 50 pesen bilong ol pablisa i gat pasin bilong kam bihain long singsing bilong kirapim miting na beten. Dispela em i no wanpela liklik samting tasol. Jehova i redim ol dispela kaikai bilong spirit bilong helpim yumi. Olsem na taim yumi kam long taim stret yumi soim olsem yumi amamas na pilim tru tingting bilong Jehova long ol miting.

Singsing 51

Wik i Kirap Long Septemba 22

Singsing 104

10 min: Ol toksave bilong kongrigesen. Kaunim ripot bilong ol akaun na tok amamas long ol bratasista i givim kontribiusen.

20 min: Yumi Mekim Wanem Wok Long Las Sevis Yia? Wanpela elda o wasman autim tok i mekim olsem wanpela tok na i kamapim sampela askim. Stori long wok autim tok bilong kongrigesen long sevis yia i go pinis, na long ol gutpela samting i bin kamap. Mekim tok amamas long wok kongrigesen i bin mekim. Sampela de paslain long miting, stretim rot wantaim wanpela o tupela pablisa long stori long sampela gutpela ekspiriens ol i bin kisim. Kolim wanpela o tupela samting em kongrigesen i mas wok strong long en long nupela sevis yia, na stori long sampela samting kongrigesen i ken mekim bilong mekim wok i kamap gutpela moa.

15 min: Redi Long Tilim Wastaua bilong Septemba 1 na Awake! bilong Septemba. Stori liklik long ol bikpela tok bilong magasin bilong tilim long dispela mun na askim odiens long kolim wanem ol stori bai i stret long ol man long teritori. Askim ol long wanem ol askim na skripsa ol i laik mekim wok long en bilong kirapim tok. Bihainim ol tok bilong tilim ol nius i stap long Wok Kingdom na mekim soim long pasin bilong tilim ol dispela magasin. Askim wanpela elda long mekim wanpela sotpela soim long wanpela stori long nius em i bin redim na i stret long teritori bilong yupela.

Singsing 190

Wik i Kirap Long Septemba 29

Singsing 45

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong mun Septemba. Sampela de paslain long miting, stretim rot wantaim wanpela o tupela pablisa long stori long sampela gutpela ekspiriens ol i bin kisim taim ol i autim tok long kain kain taim na ples.

15 min: Tok bilong helpim kongrigesen.

20 min: “Spesel Wok Bilong Tilim Liklik Nius Long Oktoba 20–Novemba 16!”a Sapos kongrigesen i kisim pinis dispela liklik nius, orait tilim wan wan long olgeta long odiens. Mekim sotpela stori long ol tok i stap insait long liklik nius taim yu stori long par. 2. Taim yu stori long par. 4, mekim soim long pasin bilong tilim liklik nius. Taim yu stori long par. 5, mekim soim long pablisa i yusim liklik nius bilong kirapim Baibel stadi long taim em i mekim gobek.

Singsing 9

Wik i Kirap Long Oktoba 6

Singsing 15

10 min: Ol toksave bilong kongrigesen.

15 min: Askim. Toktok wantaim ol bratasista na kamapim ol askim. Kamapim sampela tok long Wastaua bilong Jun 15, 2005, p. 20-​22, par. 10-​16.

20 min: “Skulim Ol Arapela Long Laikim Jehova.”b Askim odiens long kamapim sampela tok bilong ol skripsa em ol i no kamapim tok bilong en.

Singsing 132

[Ol Futnot]