Sediul Bilong Wik i Kirap Long Oktoba 3
WIK I KIRAP LONG OKTOBA 3
Singsing 133 na Beten
□ Baibel Stadi Bilong Kongrigesen:
cl sap. 8 par. 1-8 (25 min.)
□ Skul Tiokratik Bilong Autim Tok:
Baibel ritim: Sindaun 1-6 (10 min.)
No. 1: Sindaun 6:1-19 (no ken abrusim 4 min.)
No. 2: Olsem Wanem Tok Bilong Rom 8:26, 27 i Helpim Yumi Long Save Olsem God i Laikim Yumi? (5 min.)
No. 3: Yu Ting Olgeta Man i Mas Tanim Bel Pastaim na Bai Kingdom Bilong God i Kamap?—rs p. 194 par. 3-4 (5 min.)
□ Miting Bilong Wok:
10 min: Ol toksave. Yumi Kisim Wanem Skul? Tok na mekim sampela askim. Ritim Luk 5:12, 13 na Luk 8:43-48. Skelim olsem wanem ol dispela stori inap helpim yumi long autim tok.
15 min: Redi Long Tilim Ol Magasin Long Oktoba. Tok na mekim sampela askim. Stori inap wanpela o tupela minit long ol tok i stap insait long ol magasin em ol man long teritori bai laikim. Makim wanpela o tupela stori insait long magasin na stori long olsem wanem yumi ken tilim. Askim odiens long wanem ol askim ol bai mekim bilong kirapim tingting bilong ol man na wanem skripsa ol bai ritim. Kirap! bilong Oktoba—Disemba em i spesel nius, olsem na askim odiens long stori long dispela magasin bai i stret long husat na olsem wanem yumi ken tilim long planti man. Mekim soim long olsem wanem yumi ken tilim dispela magasin.
10 min: Mekim Gutpela Pasin Taim Yumi Autim Tok. (2 Kor. 6:3) Tok na mekim sampela askim. Ol dispela askim i ken i stap olsem as bilong dispela tok: (1) Bilong wanem em i bikpela samting long mekim gutpela pasin taim yumi autim tok? (2) Olsem wanem yumi ken mekim gutpela pasin taim (a) yumi kamap long teritori? (b) taim yumi wokabaut long wanpela haus i go long narapela haus? (c) taim yu sanap long ai bilong dua? (d) taim poroman bilong yu i autim tok? (e) taim man bilong haus i toktok? (f) sapos man bilong haus i bisi o em i taim bilong ren? (g) taim man bilong haus i kros?
Singsing 16 na Beten