Riviu Bilong Skul Tiokratik Bilong Autim Tok

Bai yumi skelim ol dispela askim long Skul Tiokratik Bilong Autim Tok long wik i kirap long Februeri 25, 2013. Mipela i putim tu ol det long braket i makim wik ol i bin mekim dispela tok, na dispela bai helpim yupela long mekim wok painimaut taim yupela i redim miting bilong Skul Tiokratik long olgeta wik.

1. Bilong wanem Jisas i tok “ol man i bel hevi tru,” ol i ken amamas? (Mat. 5:4) [Jan. 7, w09 2/15 p. 6 par. 6]

2. Long beten Jisas i skulim ol disaipel long en, em i tingim wanem samting taim em i tok: “No ken larim mipela i pundaun long traim”? (Mat. 6:13) [Jan. 7, w04 2/1 p. 16 par. 13]

3. Bilong wanem Jisas i tok ol disaipel bilong em i no inap pinisim wok bilong autim tok long olgeta taun bilong Israel “paslain long Pikinini bilong man i kam”? (Mat. 10:23) [Jan. 14, w10 9/15 p. 10 par. 12; w90 7/1 p. 8 par. 6]

4. Wanem tupela samting em tok piksa bilong Jisas long sid bilong mastet i makim? (Mat. 13:31, 32) [Jan. 21, w08 7/15 p. 17-18 par. 3-8]

5. Taim Jisas i tok: “Sapos yupela i no senisim pasin bilong yupela na kamap olsem ol liklik pikinini, orait bai yupela i no inap tru long go insait long Kingdom bilong heven,” em i skulim yumi long wanem samting? (Mat. 18:3) [Jan. 28, w07 2/1 p. 9 par. 3, 4]

6. Wanem mining bilong dispela tok bilong Jisas olsem “yu yet yu tok olsem”? (Mat. 26:63, 64) [Feb. 11, w11 6/1 p. 18]

7. Bilong wanem Baibel i kolim Jisas olsem “Bikpela bilong de Sabat tu”? (Mak 2:28) [Feb. 18, w08 2/15 p. 28 par. 7]

8. Taim Jisas i bekim tok bilong ol man, bilong wanem em i mekim kain tok olsem long ol brata na mama bilong em? Dispela i skulim yumi long wanem samting? (Mak 3:31-35) [Feb. 18, w08 2/15 p. 29 par. 5]

9. Olsem tok i stap long Mak 8:22-25 i kamapim, ating i gat wanem as na Jisas i mekim tupela samting bilong oraitim ai bilong man i aipas? Yumi inap kisim wanem skul long dispela? [Feb. 25, w00 2/15 p. 17 par. 7]

10. Yumi kisim wanem skul long pasin Jisas i mekim taim Pita i givim strongpela tok long em olsem i stap long Mak 8:32-34? [Feb. 25, w08 2/15 p. 29 par. 7]