Yu Inap Autim Tok Liklik Taim Moa?

Long taim bilong autim tok, sampela pablisa i gat pasin bilong lusim grup long wanpela taim stret, ating long belo samting. Ating sindaun bilong sampela i mekim na i gat taim stret em ol i mas lusim grup bilong autim tok. Tasol olsem wanem? Yu save lusim teritori long wanem sampela long grup i lusim, o em pasin bilong yupela long dispela hap long lusim teritori long wanpela taim stret? Yu ting yu inap autim tok inap liklik taim moa na autim tok long ol pablik ples, olsem long rot samting? Yu ting yu ken mekim wanpela o tupela gobek paslain long yu go long haus? Tingim gutpela samting inap kamap sapos yu painim man husat i laik harim tok i stap gen long haus o sapos yu tilim sampela magasin long ol man i wokabaut long rot! Sapos yumi no lusim teritori hariap na yumi autim tok liklik taim moa, dispela em i wanpela rot we yumi givim sampela “sakrifais” moa long God bilong givim biknem long em.—Hib. 13:15.