Riviu Bilong Skul Tiokratik Bilong Autim Tok

Bai yumi skelim ol dispela askim long Skul Tiokratik Bilong Autim Tok long wik i kirap long Oktoba 28, 2013.

1. Dispela tok kisim “tingting bilong Krais” i makim wanem samting? (1 Kor. 2:16) [Sep. 2, w08 7/15 p. 27 par. 7]

2. Long wanem ol rot yumi “ranawe long pasin pamuk”? (1 Kor. 6:18) [Sep. 2, w08 7/15 p. 27 par. 9; w04 2/15 p. 12 par. 9]

3. Taim Pol i tok ol meri i mas “pasim maus insait long ol kongrigesen,” tok bilong em i makim wanem samting? (1 Kor. 14:34) [Sep. 9, w12 9/1 p. 9, blok]

4. Ol elda long nau inap kisim wanem skul long tok bilong Pol long 2 Korin 1:24? [Sep. 16, w13 1/15 p. 27 par. 2-3]

5. Jehova i mekim wanem na em i stap nambawan gutpela piksa long pasin bilong givim? Yumi bai kisim amamas sapos yumi givim wanem ol samting? (2 Kor. 9:6, 7) [Sep. 23, w09 2/15 p. 13 par. 17]

6. Sapos yumi bihainim tok bilong Pol long Galesia 6:4, dispela inap helpim yumi olsem wanem? [Sep. 30, w12 12/15 p. 13 par. 18]

7. Wanem mining bilong dispela tok “holimpas pasin wanbel bilong holi spirit?” (Efe. 4:3) [Okt. 7, w12 7/15 p. 28 par. 7]

8. Pol i gat wanem tingting long ol samting em i bin lusim? (Fili. 3:8) [Okt. 14, w12 3/15 p. 27 par. 12]

9. Wanem mining bilong tok Pol i mekim olsem: “Yumi no ken slip i stap olsem ol arapela”? (1 Tes. 5:6) [Okt. 21, w12 3/15 p. 11 par. 4]

10. Olsem wanem dai bilong Jisas i olsem “pe i stret bilong baim bek ol man”? (1 Tim. 2:6) [Okt. 28, w11 6/15 p. 13 par. 11]