Bai Yu Mekim Wanem Long Taim Bilong Ol Holide?

Planti manmeri bai stap long haus long taim bilong ol holide bilong ol lotu na ol pablik holide, olsem na em i gutpela taim bilong yumi long autim tok. Ol kongrigesen i ken stretim rot na bai ol inap autim tok long taim bilong ol holide. Planti manmeri long teritori bai i no inap kirap hariap long moning, olsem na i gutpela long senisim taim bilong mekim bung bilong autim tok. Long Miting Bilong Wok, toksave long kongrigesen long rot ol i stretim bilong autim tok long taim bilong ol holide, na kirapim olgeta long insait long dispela wok. Tru, long kain taim olsem yumi laik malolo na mekim ol wok bilong yumi yet. Tasol olsem wanem? Yu inap makim hap taim long de bilong mekim wok autim tok? Sapos yu insait long wok bilong autim tok, dispela bai givim nupela strong long yu.—Mat. 11:29, 30.