Helpim Ol Long “Sanap Strong Long Bilip”

Yumi amamas long lukim olsem Jehova i wok long bungim ol man, na winim olsem 25 tausen manmeri i save kisim baptais long olgeta yia. (Lo 28:2) Taim pablisa i helpim Baibel sumatin na em i kisim baptais pinis, pablisa inap ting olsem i no gat wok moa long stadi wantaim sumatin, na em bai bisi long helpim ol narapela. Na Baibel sumatin bai ting olsem em i mas stop long stadi na bai em inap givim bikpela taim moa long autim tok. Tasol em i bikpela samting long bilip bilong ol Baibel sumatin long tok i tru i mas gat gutpela as bilong en. Ol i mas “holimpas” Krais na “sanap strong long bilip.” (Kol. 2:6, 7; 2 Tim. 3:12) Olsem na maski sumatin i baptais pinis, pablisa i mas mekim stadi yet long em inap long em i pinisim tupela buk wantaim, em buk Baibel i Tok na “Pasin Laikim Bilong God.”—Lukim Wok Kingdom bilong Epril 2013, pes 4.