Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • mwb17 Oktoba p. 3
  • Rot Bilong Kamap Gutpela Sumatin Bilong Baibel

No gat vidio bilong dispela seksen.

Sori, popaia kamap long lodim vidio.

  • Rot Bilong Kamap Gutpela Sumatin Bilong Baibel
  • Kristen Laip na Wok Autim Tok—Miting Wok Buk—2017
  • Wankain Infomesen
  • Jehova i Promis Long Givim Gutpela Prais Long Daniel
    Putim Yau Long Tok Profet Bilong Daniel!
  • Tru Tru God i Save Tingim Yu?
    Wastaua i Tokaut Long Kingdom Bilong Jehova—2011
  • Buk Daniel na Yu
    Putim Yau Long Tok Profet Bilong Daniel!
  • Ol Mak Bilong Lain i Lotu Tru Long God Long Taim Bilong Pinis
    Putim Yau Long Tok Profet Bilong Daniel!
Lukim Moa
Kristen Laip na Wok Autim Tok—Miting Wok Buk—2017
mwb17 Oktoba p. 3

BIHAINIM PASIN KRISTEN

Rot Bilong Kamap Gutpela Sumatin Bilong Baibel

Yu laik stap gut long bilip olsem Daniel taim hevi painim yu? Daniel i stadi gut long Tok Bilong God, em ol tok profet i gat bikpela mining bilong en. (Da 9:2) Pasin bilong stadi gut long Baibel inap helpim yu long stap gut long bilip. Olsem wanem dispela inap helpim yu? Yu inap bilip tru olsem ol tok promis bilong Jehova bai kamap tru. (Jos 23:14) Na tu, em inap mekim na pasin laikim bilong yu long God bai go bikpela, na dispela bai kirapim yu long mekim samting i stret. (Sg 97:10) Tasol olsem wanem yu inap mekim? Yumi ken skelim ol dispela samting.

Daniel i stadi long Tok Bilong God

  • Bai mi stadi long wanem samting? Gutpela sediul bilong stadi bai helpim yu long redim gut ol miting bilong kongrigesen. Baibel ritim bilong olgeta wik bai kamap gutpela sapos yu lusim taim bilong mekim wok painimaut long sampela tok bilong Baibel em yu no klia gut long en. Sampela i laik save moa long ol tok profet bilong Baibel, ol pasin bilong holi spirit, misineri raun bilong aposel Pol, na ol samting Jehova i wokim. Sapos yu tingim wanpela askim bilong Baibel long de, orait raitim i go daun long notbuk, na yu ken mekim wok painimaut long neks stadi bilong yu.

  • Olsem wanem mi inap painim ol infomesen? Bilong kisim sampela save moa, lukim vidio Research Tools for Discovering Spiritual Treasures. Bilong traim save bilong yu, mekim wok painimaut long ol strongpela gavman em wel animal long Daniel sapta 7 i stori long en.

  • Mi mas lusim hamas taim long stadi? Pasin bilong stadi olgeta taim em rot bilong stap gut long bilip. Pastaim yu ken mekim ol sotpela stadi, na isi isi yu inap mekim longpela stadi. Pasin bilong stadi long Tok Bilong God i olsem man i wok long painim gol na silva em ol i haitim insait long graun; taim yu painim planti gol na silva, yu bai laik long painim planti moa. (Sd 2:3-6) Pasin bilong yu long laikim Tok Bilong God bai i go bikpela moa, na pasin bilong stadi oltaim long Baibel bai kamap pasin bilong yu.—1Pi 2:2.

    Bilong save moa long hau yu inap amamas long mekim stadi, lukim Awake! bilong Februeri 2012, p. 18-20.

WEL ANIMAL LONG DANIEL SAPTA 7 I MAKIM WANEM SAMTING?

  • Wanpela wel animal olsem laion na em i gat wing bilong tarangau

    Da 7:4

  • Wanpela wel animal olsem bea wantaim bun bilong wanpela abus long maus bilong en

    Da 7:5

  • Wanpela wel animal olsem lepat wantaim 4-pela het na 4-pela wing long baksait bilong em

    Da 7:6

  • Wanpela wel animal wantaim bikpela ain tit na 10-pela kom

    Da 7:7

WANPELA MOA ASKIM:

Olsem wanem tok bilong Daniel 7:8, 24 i kamap tru?

Wanpela liklik kom i gat ai na maus na em i kamap namel long 10-pela kom, na em i gat 3-pela kom

NEKS PROJEK:

Wel animal long Revelesen sapta 13 i makim wanem samting?

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim