“Onarim Papa Bilong Yu na Mama Bilong Yu”

Taim Jisas i stap long graun, em i strongim dispela tok: “Onarim papa bilong yu na mama bilong yu.” (Ki 20:12; Mt 15:4) I stret tru long Jisas i mekim dispela tok bikos em i “stap daun” long papamama taim em i pikinini yet. (Lu 2:51) Taim em i kamap bikpela man na em i save olsem em bai dai, em i stretim rot long narapela inap lukautim mama bilong em.—Jon 19:26, 27.

Long nau tu, taim ol yangpela Kristen i bihainim tok na soim rispek long papamama, i olsem ol i givim ona long ol. Pasin bilong givim ona long papamama i no gat pinis bilong en. Maski papamama i kamap lapun, yumi mas kisim skul long savetingting bilong ol, na long dispela rot yumi givim ona long ol. (Sd 23:22) Na tu, yumi onarim ol taim yumi amamasim ol na lukautim ol long sait bilong mani. (1Ti 5:8) Maski yumi yangpela o bikpela pinis, yumi mas toktok gut yet wantaim papamama, na dispela bai opim rot long yumi inap givim ona long ol.

LUKIM WAITBOD VIDIO OLSEM WANEM MI INAP TOKTOK WANTAIM PAPAMAMA BILONG MI? NA BIHAIN BEKIM OL DISPELA ASKIM:

• Bilong wanem yu inap pilim hatwok long toktok wantaim papamama bilong yu?

• Olsem wanem yu inap givim ona long papamama taim yu toktok wantaim ol?

  

• Bilong wanem em i bikpela samting long toktok wantaim papamama? (Sd 15:22)