Helpim Ol Pikinini Long Bihainim Krais

Ol papamama i kisim bikpela amamas taim ol i lukim pikinini i “givim baksait long ol laik bilong em yet na karim diwai pos bilong en na bihainim [Jisas] oltaim.” (Mk 8:34; 3Jo 4) Ol papamama inap mekim wanem bilong redim ol pikinini long bihainim Krais, dediketim laip bilong ol long Jehova, na kisim baptais? Wanem sampela samting inap soim olsem ol pikinini i redi long kisim baptais?

Ritim “A Message to Christian Parents” long pes 165-166 long buk Organized to Do Jehovah’s Will, na bekim ol dispela askim:

1. Wanem mining bilong dispela tok disaipel?

2. Ol papamama i mas skulim ol pikinini long wanem samting?

3. Taim papamama i skelim krismas bilong pikinini, olsem wanem pikinini inap bihainim tok bilong ol dispela skripsa na bai em inap winim mak bilong kisim baptais?

   • Kl 3:20

   • Lu 2:46

   • Sg 122:1

   • Mt 4:4

   • Mt 6:33

   • 1Ko 15:33