Wok Yet Long Sanap Strong na Wet i Stap

Yu wet inap hamas yia long Kingdom Bilong God i kam? Olsem wanem? Yu sanap strong na wet i stap maski i gat hatwok? (Ro 8:25) Sampela Kristen i karim hevi bilong ol man i mekim nogut long ol, putim ol long kalabus, o klostu dai i painim ol. Planti narapela i karim hevi bilong sik o hevi bilong i go lapun.

Wanem samting bai helpim yumi long wet i stap taim yumi karim hevi? Yumi mas ritim Baibel long olgeta de na tingim tingim long bel ol samting yumi ritim na long dispela rot bai yumi strongim bilip bilong yumi. Yumi mas putim tingting long ol samting em yumi bilip na wet long en. (2Ko 4:16-18; Hi 12:2) Yumi mas beten strong long Jehova na askim em long givim holi spirit long yumi. (Lu 11:10, 13; Hi 5:7) Gutpela papa bilong yumi inap helpim yumi long ‘sanap strong na i no les kwik, na yumi ken mekim wantaim amamas.’​—Kl 1:11.

LUKIM VIDIO “YUMI MAS SANAP STRONG NA RAN LONG DISPELA RESIS”—BILIP STRONG OLSEM YU BAI KISIM PRAIS, NA BIHAIN BEKIM OL DISPELA ASKIM:

• 

  Wanem “ol samting we man i no ting inap kamap” i painim em? (Ekl 9:11)

• 

  Olsem wanem beten inap helpim yumi taim hevi i painim yumi?

• 

  Sapos yumi no inap mekim bikpela wok moa bilong Jehova olsem bipo, bilong wanem yumi mas tingting long ol samting yumi inap yet long mekim?

• 

  Wanem samting inap helpim yu long bilip tru olsem bai yu kisim prais?