GUTPELA SAVE I KAM LONG BAIBEL | STAT 31

Jekop na Laban i Wokim Kontrak Bilong i Stap Wanbel Wantaim

Bilong wanem Jekop na Laban i kisim ol ston na hipim?

Dispela hip ston i stap olsem witnes namel long tupela bilong soim olsem tupela i bin wokim kontrak bilong i stap wanbel wantaim em ol man i go i kam bai lukim
Dispela hip ston i helpim tupela long tingim olsem Jehova i lukluk i stap long ol samting tupela i mekim bilong bihainim dispela kontrak

Ol piksa: 1. Long Haus Kingdom, 2-pela sista i belhat na lukluk long narapela narapela. Long baksait ol bratasista lap na toktok. 2. Dispela 2-pela seim sista i sindaun ausait long hap ol i salim kofi na ol dring na toktok wantaim. I gat wanpela presen ol i karamapim na Baibel i stap antap long tebol.

Long nau Jehova i laik bai yumi stap wanbel wantaim ol bratasista bilong yumi. Olsem wanem yumi ken bihainim dispela tripela pasin na bai pasin wanbel i ken i stap namel long yumi na ol arapela?

Toktok wantaim na stretim hevi—Mt 5:23, 24
Amamas long lusim rong bilong narapela.—Kl 3:13
No ken les kwik.—Ro 12:21