BIHAINIM PASIN KRISTEN
Ol Papamama—Helpim Ol Pikinini Long Kisim Savetingting Bilong God
Wanpela rot we ol papamama i ken helpim ol pikinini long kisim savetingting i kam long God em long helpim ol na bai ol i ken kisim helpim long ol miting Kristen. Ol samting ol pikinini i lukim, harim, na kamapim long bekim bilong ol long miting, dispela bai helpim ol long kisim save long Jehova na pas gut wantaim em. (Lo 31:12, 13) Sapos yu wanpela papa o mama, hau bai yu helpim pikinini bilong yu na bai ol miting i ken helpim em?
Oltaim wok strong long go long miting long Haus Kingdom.—Sg 22:22
Lusim haptaim long toktok wantaim ol narapela paslain na bihain long miting.—Hi 10:25
Sekim sapos olgeta long famili i gat kopi bilong pablikesen bilong stadi long en long miting, elektronik kopi o kopi ol i prinim
Helpim pikinini long redim bekim long toktok bilong em yet.—Mt 21:15, 16
Stori long ol gutpela skul yumi lainim long ol miting
Helpim ol pikinini long sapotim ol wok olsem klinim Haus Kingdom na toktok wantaim ol narapela husat i gat bikpela krismas insait long kongrigesen
Yu mas wok strong long helpim ol pikinini long go klostu long Jehova, sampela taim yu inap pilim olsem dispela i hatwok. Tasol yu ken bilip tru olsem Jehova bai helpim yu.—Ai 40:29.
WATSIM VIDIO OL PAPAMAMA, JEHOVA BAI HELPIM NA STRONGIM YUPELA, NA BIHAIN BEKIM OL DISPELA ASKIM:
Wanem samting i kamap taim Zach na Leah i pilim taiet?
Wai na ol papamama i mas askim Jehova long givim ol strong?
Zach na Leah i mekim wanem na bai Jehova i helpim tupela long mekim gut wok papamama?