OGAS 5-11

GUTPELA SAVE I KAM LONG BAIBEL

1. Tokaut Long Strong Bilong God Long “Ol lain i Kamap Bihain”

(10 min.)

Devit i lukim Jehova i lukautim em long taim em i yangpela (Sg 71:5; w99 9/1 18 par. 17)

Devit i luksave olsem Jehova i sambai long em long taim em i lapun (Sg 71:9; mwbr24.07-MP g04 10/8 23 par. 3)

Devit i strongim ol yangpela long rot bilong stori long ol samting i painim em (Sg 71:17, 18; w14 1/15 23 par. 4-5)

Famili em piksa bilong ol i kamap long hap “Ol Samting Bilong Helpim Famili Lotu” long miting bilong las wik. Ol i invaitim tupela lapun marit na putim yau taim tupela i soim ol piksa na stori long ekspiriens bilong ol.

ASKIM YU YET, ‘Wanem wokman bilong God i stap longpela taim insait long kongrigesen em mi laik mekim intaviu long em long taim bilong Famili Lotu?’

2. Mekim Wok Painimaut

(10 min.)

Sg 72:8—Hau na tok promis bilong Jehova long Abraham long Stat 15:18 i kamap tru long taim King Solomon i mekim wok king? (mwbr24.07-MP it-1 768)

Bekim
Yu lainim wanem samting long Baibel ritim bilong dispela wik em yu laik kamapim?

Bekim

3. Baibel Ritim

(4 min.) Sg 71:1-24 (th stadi 5)

MEKIM WOK AUTIM TOK

4. Kirapim Toktok

(3 min.) AUTIM TOK LONG OL HAUS. Taim man i kirapim kros, mekim gutpela tok bilong pinisim tok. (lmd lesen 4 poin 5)

5. Gobek

(4 min.) AUTIM TOK LONG KAIN KAIN TAIM NA PLES. Toktok gen wantaim wanpela wanblut em pastaim em i no laik stadi long Baibel. (lmd lesen 8 poin 4)

6. Kamapim Bilip Bilong Yu

(5 min.) Tok. ijwfq 49—Het Tok: Wai na Ol Witnes Bilong Jehova i Senisim Sampela Bilip Bilong Ol? (th stadi 17)

BIHAINIM PASIN KRISTEN

7. Aidia Bilong Mekim Famili Lotu

(15 min.) Stori na givim ol askim.

Famili em piksa bilong ol i stap paslain i sanap na prektis long mekim singsing bilong Kingdom.

Famili i watsim JW Broadcasting program.

Wanpela pikinini meri i prektis na bekim tok long mama taim ol i mekim famili lotu.

Famili Lotu em gutpela taim bilong “trenim ol olsem Jehova i makim, na putim tingting bilong em long bel bilong ol.” (Ef 6:4) Skulim pikinini em bikpela wok, tasol taim yu lukim ol pikinini i kisim pasin bilong laikim tok i tru bilong Baibel, dispela bai mekim na yu amamas. (Jon 6:27; 1Pi 2:2) Lukim blok “Aidia Bilong Famili Lotu” long helpim papamama long mekim Famili Lotu i kamap olsem taim bilong amamas na long wankain taim givim skul long pikinini, na bihain stori long ol dispela askim:

Yu laik mekim wanem ol samting?

Bekim
Yu painim narapela samting we i helpim yu?

Bekim

AIDIA BILONG FAMILI LOTU

BAIBEL:

Harim odio rekoding bilong Baibel bilong dispela wik o larim wan wan i ritim long strongpela nek. Wan wan long famili inap ritim tok bilong ol narapela narapela man long Baibel
Redim ol askim bilong Baibel ritim bilong dispela wik. Larim wan wan long famili i makim wanpela askim na mekim wok painimaut. Bihain ol i ken stori long samting ol i lainim
Makim wanpela askim o stori bilong wanpela samting i kamap, na bihain mekim wok painimaut long ol stiatok bilong Baibel long Ol Skripsa Bilong Kristen Laip em yumi mas bihainim
Mekim drama long wanpela hap bilong stori bilong Baibel
Long olgeta wik, raitim narapela narapela ves bilong Baibel long wanpela kat, olsem long apendiks A long buklet Laikim Ol Man—Kamapim Ol Disaipel, na bihain tingim na kolim tok bilong dispela ves. Mekim riviu long ol kat bilong wik i go pinis
Mekim stadi long wanpela hap bilong buk Stap Amamas Oltaim!
Makim wan wan long famili long stori long wanpela bilong ol atikol long siris “Bible Questions Answered” o “Bible Verses Explained,” we i save stap long BIBLE TEACHINGS long jw.org

Ol MITING:

Redim wanpela hap bilong miting bilong kongrigesen
Redim bekim na mekim traim planti taim. Tingim gut taim
Mekim prektis long ol singsing bilong Kingdom
Stori na mekim prektis long wanem tok yu bai mekim long strongim wanpela paslain o bihain long narapela miting
Mekim traim long tok wanpela long famili bai mekim long miting bai kamap namel long wik

AUTIM TOK:

Redi long autim tok long ol haus
Redi long mekim ol gobek bilong yu
Tingim olsem yu autim tok long kain kain taim na ples, na bihain mekim traim long hau bai yu kirapim tok long pasin pren
Stori stret long ol mak yu laik winim long mekim bikpela wok moa long autim tok long taim bilong Memorial o long taim yu kisim skul holide o yu malolo long wok

SAMTING BILONG HELPIM FAMILI:

Mekim prektis long samting famili inap mekim long samting i kamap pinis o samting i no kamap yet, olsem sakim wok politik, pasin buli, prenim boipren o gelpren, na ol bikpela holide
Mekim prektis we papamama i kamap olsem pikinini na pikinini i kamap olsem papamama. Ol pikinini i mekim wok painimaut long ol dispela samting na bihain ol i stori wantaim papamama

SAMPELA MOA SAMTING:

Watsim na stori long JW Broadcasting^® program
Ritim wanpela atikol o watsim vidio long jw.org, na bihain stori long en
Skelim samting i stap long “Ol Tineja na Ol Yangpela Manmeri” o “Ol Pikinini” dispela seksen i stap aninit long OL TOK BILONG BAIBEL long jw.org
Stori gen long ol nout bilong ol kibung
Lukim o mekim wok painimaut long wanpela samting God i wokim, na bihain stori long skul yumi kisim long en long Jehova
Sampela taim singautim wanpela na mekim intaviu long em
Putim ol mak bilong bilip, na stori long hau yupela inap winim
Wokim wanpela projek wantaim, olsem piksa bilong ol samting, mep, o sat

Pilaim VIDIO Mekim Famili Lotu i Kamap Gutpela Moa. Bihain askim odiens:

Hau bai maritman i mekim famili lotu i kamap olsem taim bilong amamas long taim i no gat pikinini long haus?

Bekim

8. Baibel Stadi Bilong Kongrigesen

(30 min.) bt sap. 13 par. 17-24