Helt-Ke—Samting Kingdom Bilong God Bai Mekim

“Pinis bilong COVID-19 olsem wanpela helt imejensi em i no pinis bilong COVID-19 olsem wanpela sik nogut inap bagarapim olgeta manmeri.. . . Taim narapela pendemik i kamap—na em bai kam—yumi mas redi.”​—Dr. Tedros Adhanom Ghebreyesus, director-general of the World Health Organization, Me 22, 2023.

Planti manmeri i wok yet long karim hevi long sait bilong helt na sik bilong tingting bikos long COVID-19 pendemik. Yu ting ol gavman na ol haus sik samting bai redi long neks pendemik, na moa yet long taim ol i no inap stretim ol sik na hevi bilong helt em yumi gat long nau?

Baibel i tok long wanpela gavman we bai kamapim helt-ke em yumi nidim. Em i tok olsem “God bilong heven bai kamapim wanpela kingdom” o gavman. (Daniel 2:44) Aninit long dispela gavman, “i no gat wanpela man i stap long dispela ples bai tok: ‘Mi sik.’” (Aisaia 33:24) Olgeta man bai i gat gutpela helt na bodi bilong ol bai kamap strong gen olsem long taim ol i yangpela.​—Jop 33:25.