Ol Politisen i Mekim Pasin Korapsen—Samting Kingdom Bilong God Bai Mekim

Ol man i laikim ol lida bilong gavman em ol i ken trastim ol; ol i les pinis long ol politisen i save mekim pasin korapsen. Long wanpela sevei ol i wokim long graun olgeta na pablisim long 2023, ol i painimaut olsem ol lida bilong gavman em wanpela lain em planti manmeri i no trastim ol.a

Baibel i tok long wanpela gavman em Lida bilong en i save truim olgeta tok bilong em na mekim onest pasin, na em i save sakim pasin korapsen. Dispela gavman em Kingdom Bilong God na Lida bilong en em Jisas Krais.—Aisaia 9:7.

Long rot bilong ol samting Jisas i bin mekim taim em i stap long graun, em i soim klia olsem em i save tingim tru ol manmeri. (Matyu 9:35, 36) Olsem King long Kingdom Bilong God, em bai mekim pasin fea na bringim bel isi long olgeta manmeri em ol i daun long wok bos bilong em.—Buk Song 72:12-14.