Woa—Samting Kingdom Bilong God Bai Mekim

Long olgeta hap bilong graun, ol woa i kamapim bikpela bagarap na pen na hevi. Lukim ol dispela ripot:

• “Ol ripot i soim olsem insait long 28 yia planti manmeri moa i dai long woa, moa yet long ol woa long Itiopia na Yukren.”​—Peace Research Institute Oslo, Jun 7, 2023.

• “Woa long Yukren em wanpela bilong ol pait we i go nogut moa long yia 2022. Long las yia long graun olgeta, pasin bilong pait na kilim man i dai i go bikpela inap 27 pesen, na klostu 1.7 bilion manmeri i kisim hevi long dispela.”​— The Armed Conflict Location & Event Data Project (ACLED), Februeri 8, 2023.

Baibel i stori long ol gutpela samting bai kamap bihain. Em i tok: “God bilong heven bai kamapim wanpela kingdom we i no inap bagarap.” (Daniel 2:44) Aninit long dispela Kingdom, o gavman, God bai “mekim i dai ol pait i kamap long olgeta hap bilong graun.”​—Buk Song 46:9.