Wanem Taim Bai Pasin Bilong Pait i Pinis?—Baibel i Tok Wanem?

Seketeri-General bilong Yunaitet Nesen em António Guterres em i tok: “Nau em taim bilong mekim ol samting bilong pinisim pait na bai ol hevi i no kamap bikpela. Nau em gutpela taim long kontrolim ol samting na mekim ol samting long pasin isi.” Em i mekim dispela tok long pait i kamap namel long Iran na Israel long Sarere, Epril 13, 2024.

Pait i wok long kamap long Midel Is em wanpela bilong ol samting i wok long kamap long olgeta hap bilong graun.

“Namba bilong ol bikpela pait i kamap long graun i wok long go antap tru bihain long Wol Woa 2 na i givim bikpela hevi long 2 billion manmeri—olsem wanpela long olgeta 4-pela—i dai.”​—United Nations Security Council, Janueri 26, 2023

Ol hap em bikpela pait i wok long kamap em Israel, Gasa, Siria, Asebaijan, Yukren, Sudan, Itiopia, Niger, Mianma, na Haiti.a

Wanem taim bai pasin bilong pait i pinis? Yu ting ol lida bilong graun inap kamapim bel isi? Baibel i tok wanem?

Pait i wok long kamap long graun

Ol pait i kamap long olgeta hap bilong graun long nau i kamapim kila olsem klostu nau bai olgeta pait bai pinis. Ol dispela pait i truim tok profet bilong Baibel we i stori long samting bai kamap long dispela haptaim yumi stap long en. Baibel i kolim olsem “pinis bilong dispela taim.”​—Matyu 24:3

• “Yupela bai harim tok long ol woa i kamap klostu na ol woa i kamap longwe. . . . Wanpela kantri bai pait long narapela kantri na wanpela kingdom bai pait long narapela kingdom.”​—Matyu 24:6, 7.

Ritim atikol “What Is the Sign of ‘the Last Days,’ or ‘End Times’?” long lukim hau ol pait long nau i truim tok profet bilong Baibel.

Wanpela pait bilong pinisim olgeta pait

Baibel i tok profet long pasin bilong pait bai pinis. Hau em bai kamap? I no long strong bilong ol man, tasol long rot bilong Armagedon, em pait bilong “bikpela de bilong God i Gat Olgeta Strong.” (Revelesen 16:14, 16) Dispela pait bai opim rot long God i truim tok promis bilong em long ol manmeri bai stap gut na bel isi inap oltaim.​—Buk Song 37:10, 11, 29.

Bilong kisim save moa long dispela pait bilong pinisim olgeta pait, ritim atikol “What Is the Battle of Armageddon?”