Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 16. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Taim ol i kaunim gen ol manmeri long namba tu taim, long ples drai nating, wanem lain bilong Israel i sot tru long ol man bilong kamap soldia, inap olsem 60 pesen? (Namba 1:​23; 26:⁠14)

2. Jisas i tok, ol man i kirap bek bai ol i no inap mekim wanem samting? (Luk 20:⁠35)

3. Agur i mekim ol tok i stap long Sindaun sapta 30 long husat? (Sindaun 30:⁠1)

4. Pol i tok, sapos man i laik mekim laik bilong God, wanem samting bilong em i mas kamap nupela? (Rom 12:⁠2)

5. Taim Gamaliel i laik kirapim tingting bilong ol kaunsil long ol i no ken mekim nogut long ol Kristen, em i stori long husat olsem piksa bilong ol i ken tingim? (Aposel 5:​34-​40)

6. Josep i no laik “givim sem long Maria long ai bilong ol manmeri,” olsem na em i laik mekim wanem? (Matyu 1:⁠19)

7. Bilong wanem ol manmeri “bilong taun Lida na bilong stretpela hap graun bilong Saron, . . . ol i tanim bel i go long Bikpela”? (Aposel 9:​35)

8. Ol Farisi na Sadyusi i mekim wanem bilong traim Jisas? (Matyu 16:⁠1)

9. Jehova i bin mekim wanem long ol ensel nogut em ol i lusim ples bilong ol? (Jut 6)

10. Wanem insait bilong dispela tok olsem God i wokim man i kamap olsem em yet? (Stat 1:​27)

11. Taim God i tok, dispela graun em ples em i save putim lek bilong em antap long en, dispela i makim wanem samting? (Aisaia 66:⁠1)

12. Kliopas na poroman bilong em, ol i laik go we taim Jisas i kamap olsem man na i wokabaut wantaim ol? (Luk 24:⁠13)

13. Sapos yumi “wokabaut stret,” wanem samting bai painim yumi? (Song 84:⁠11)

14. Pol na Akwila i save long mekim wanem kain wok? (Aposel 18:⁠3)

15. God i tok profet olsem pikinini bilong Abraham, em Ismael, em bai i gat hamas pikinini man? (Stat 17:20; 25:⁠16)

16. Hamas manmeri “bilong olgeta lain bilong Jekop” ol i go long Isip taim Fero i singautim ol? (Stat 46:⁠27)

17. Jisas i tok, ol man i mekim gut long ol brata bilong em i no gat nem liklik, ol i olsem wanem samting? (Matyu 25:​31-​45)

[Blok long pes 16]

Ol Bekim

1. Lain bilong Simeon

2. Marit

3. Itiel na Ukal

4. Tingting bilong em

5. Teudas na Judas bilong Galili

6. Lusim em

7. Ol i lukim Pita i oraitim Ainias long nem bilong Jisas

8. “Ol i tokim em long wokim wanpela mirakel olsem mak bilong soim ol olsem em i mekim wok bilong God”

9. God i pasim ol na em i “kalabusim ol i stap long dispela ples i tudak nogut tru. Ol i wetim De bilong bikpela kot bilong God”

10. Em i gat ol pasin i olsem bilong Man bilong wokim em na dispela i mekim na em i stap narapela kain long ol animal

11. Long tok piksa dispela i makim olsem sia king bilong em long heven i antap tru na i winim graun

12. Emeus

13. Jehova i no inap “pasim wanpela gutpela samting” long yumi

14. Tupela wantaim i save “wokim ol haus sel”

15. Twelpela

16. Seventi

17. Sipsip