Yu Save?

(Yu inap painim bekim bilong ol dispela askim long Baibel, na tu, bekim bilong ol i stap long pes 24. Bilong kisim sampela save moa, plis lukim buk “Insight on the Scriptures,” em Sosaiti Wastaua bilong Nu Yok i wokim.)

1. Long wanem rot God i bin wokim olgeta samting long heven na graun? (Stat 1:2)

2. Taim God i wokim ol lait i kamap long skai, em i wokim ol bilong makim wanem samting? (Lukim Stat 1:​14.)

3. Ol ofisa bilong Senakerip i gat tingting long mekim wanem taim ol i singaut strong long ol Juda em ol i stap long banis bilong Jerusalem na ol i mekim long tok ples bilong ol Juda yet? (2 Stori 32:18)

4. Ol i givim wanem nem long dispela samting em hetpris i mas putim tupela ston bilong kisim save long laik bilong God insait long en, na pasim long bros taim em i laik i go insait long Rum Tambu? (Kisim Bek 28:​29, 30)

5. Olsem lo bilong God i tok, hamas witnes i mas autim tok long rong wanpela man i mekim? (Hibru 10:28)

6. Wanem nem bilong soldia Israel i bin kilim i dai Lami, brata bilong Goliat? (1 Stori 20:5)

7. Husat hetpris i bin givim tok long ol i mas kilim i dai kwin nogut, em Atalia? (2 King 11:​15, 16)

8. Wanem nem bilong pikinini man bilong Jekop na insait bilong nem i olsem, “Mi Win Tru,” na as bilong dispela, em tok Lea i bin mekim taim em i karim em? (Stat 30:11)

9. Wanem nem bilong dispela ples maunten Solomon i bin wokim tempel bilong Jehova antap long en? (2 Stori 3:1)

10. Wanem insait bilong dispela nem bilong Jisas olsem “Krais”? (Aposel 4:​26)

11. Jisas i tok, man i mas mekim wanem “bilong i go insait long liklik dua”? (Luk 13:24)

12. Laspela samting God i bin wokim hia long graun na Baibel i stori long en, em i kisim wanem nem? (Stat 3:​20)

13. Long pastaim, taim God i skelim bel bilong ol manmeri, em i tok wanem? (Stat 8:​21)

14. Finias i bin kilim i dai pikinini meri bilong wanem king bilong ol Midian, na dispela i pinisim belhat bilong God long ol Israel? (Namba 25:15)

15. Meri bilong Devit, em Mikal, em i bin mekim wok long wanem samting bilong trikim ol wokman bilong Sol, em ol i bin kam bilong kilim Devit i dai? (1 Samuel 19:​11-​16)

16. Namba 7 ensel i bin kapsaitim belhat bilong God antap long wanem samting? (KTH 16:17)

17. Baibel i kolim wanem tok bilong makim ol manmeri i no bilong lain Israel? (Esra 10:2)

18. Wanem man bilong lain Juda i no gat ol pikinini man, olsem na em i givim pikinini meri bilong em i go long wokboi bilong em Jara, bambai lain bilong em i no ken pinis? (1 Stori 2:​34, 35)

19. Husat i mekim na Usa i putim han i go bilong holim Bokis Kontrak taim ol i kisim i go long wanpela hap? (1 Stori 13:​9, 10)

20. Wanem wanpela buk tasol bilong Baibel i stori long wok wanpela profet i mekim bilong toksave long ol samting nogut bai painim wanpela biktaun i no bilong lain Israel?

21. God i no inap tru long mekim wanem samting? (Hibru 6:​18)

22. Taim Jehova i givim blesing, em i no save larim dispela i givim wanem samting long yumi? (Sindaun 10:22)

23. Taim Sol i slip, Devit i bin kisim wanem ol samting i stap klostu long het bilong Sol bilong kamapim klia olsem em i no laik bagarapim Sol? (1 Samuel 26:12)

24. Jisas i bin mekim wanem bilong abrusim ol man i laik tromoi ston long em? (Jon 8:​59)

[Blok long pes 24]

Ol Bekim

1. Strong bilong em

2. Ol de, mun, yia na kain kain taim

3. Mekim ol i pret nogut tru

4. Laplap bilong bros

5. Tupela

6. Elhanan

7. Jehoiada

8. Gat

9. Maunten Moria

10. Man God i bin makim

11. “Taitim bun tru”

12. Iv

13. ‘Taim ol i yangpela yet ol i save tingting long mekim ol pasin nogut’

14. Sur

15. Wanpela god giaman na pilo ol i wokim long gras bilong meme

16. Long skai

17. Haiden

18. Sesan

19. Ol bulmakau

20. Buk bilong Jona

21. Giaman

22. Hevi

23. Spia na sospen wara

24. Em i bin hait