Yu Save?
(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 21. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)
1. Jisas i mekim wanem wok taim em i stap long asples bilong em? (Mak 6:3)
2. Husat dispela Kristen long Rom em Pol i laikim tru mama bilong em na i kolim em olsem mama bilong em yet? (Rom 16:13)
3. Taim Moses i salim ol man bilong lukstil i go long Hebron ol i lukim wanem lain ol i traipela man, olsem na 10-pela bilong ol i pret long go insait long dispela Graun Bilong Promis? (Namba 13:22, 32, 33)
4. Long pasin bilong ol Israel long skelim samting, hamas wel bilong oliv ol i save kapsaitim long het bilong man em Jehova i makim? (Kisim Bek 30:24)
5. Wanem samting bai kamap taim ol man nogut i dai? (Sindaun 10:7)
6. Taim ol i karim bodi bilong Jekop i go bilong planim, ol i stap long wanem ples inap 7-pela de bilong krai sori long em, na bihain ol i planim em long hul bilong ston i stap long graun Makpela? (Stat 50:10)
7. Bilong wanem King Serksis bilong Persia i tokim ol hausboi bilong em long bringim Kwin Vasti i kam long em? (Esta 1:10, 11)
8. Wanem samting i kamap na Apsalom i dai? (2 Samuel 18:9)
9. Kalep i tok long givim wanem samting olsem pe long man i winim strongpela taun Debir long pait? (Josua 15:16)
10. Bilong kamapim olsem em bilong i stap oltaim oltaim, Jehova i kolim wanem tok bilong makim em yet long Buk Kamapim Tok Hait? (KTH 1:8; 21:6)
11. Long taim bilong ol man i bin raitim Baibel ol man i bin pasim wanem kain klos long taim bilong sori? (Stat 37:34)
12. Taim Barsilai i askim Devit long larim em i go bek, em i tokim Devit long kisim husat olsem senis bilong em long stap long haus king bilong em? (2 Samuel 19:37)
13. Pol i tok wanem na ol soldia i surik long wipim em taim em i stap long Jerusalem? (Aposel 22:24-29)
14. King Sol i go lukim meri i save toktok wantaim ol spirit nogut long wanem hap? (1 Samuel 28:7)
15. Taim ol Rom i mekim ol pasin bilong tok bilas long Jisas, ol i putim wanem samting long han sut bilong Jisas na paitim em long het bilong em? (Matyu 27:29, 30)
16. Wanem meri em bipo em i pamukmeri, em i kamap wanpela tumbuna bilong Jisas? (Matyu 1:5)
17. Meri bilong Moses, em Sipora, i katim skin long sem bilong pikinini man bilong em long wanem kain ston na em i abrusim bagarap? (Kisim Bek 4:25)
18. Jisas bai skelim ol man i kirap bek long wanem samting? (KTH 20:12)
19. Husat i gat nem olsem “Birua”? (Sekaraia 3:1)
20. Ol i no ken sutim tok long wanpela “hetman” sapos i no gat wanem samting? (1 Timoti 5:19)
21. Husat i holimpas Jeremaia na mekim kot giaman long em olsem em i laik ranawe i go long Babilon? (Jeremaia 37:13, 14)
22. Sin bilong Akan i mekim na ol man bilong wanem taun i pait long lain Israel na daunim ol? (Josua 7:4, 5)
23. Wanpela man i gat strong long mekim wok tasol em i les long mekim, ol no ken larim em long mekim wanem? (2 Tesalonaika 3:10)
24. Jehova i kilim i dai wanem tupela pikinini man bilong Juda, long wanem, ol i mekim pasin nogut? (Stat 38:7-10)
25. Long ol Israel bilong bipo, sapos ol i no bihainim wanem lo, bai ol i kisim strafe olsem dai? (Kisim Bek 31:14, 15)
[Blok long pes 21]
Ol Bekim
1. Kamda
2. Rufus
3. Ol Anak, o ol pikinini man bilong Anak, em ol i ting ol i lain tumbuna bilong ol traipela man ol i kolim Nefilim
4. Fopela lita
5. Ol bai lusim tingting long ol kwiktaim
6. Atat
7. Bilong soim naispela skin bilong em
8. Taim em i sindaun long donki na i go, het bilong em i pas long han bilong wanpela traipela diwai na em i hangamap
9. Em inap maritim pikinini meri bilong em Aksa
10. “Mi tasol mi stap paslain tru na mi stap las tru”
11. Klos bilong sori
12. Kimham
13. Em i man bilong Rom
14. Endor
15. Wanpela stik
16. Rahap
17. Ston i sap tumas
18. Long “ol buk i gat tok long pasin ol dispela manmeri i bin mekim”
19. Satan
20. Tupela o tripela witnes
21. Iriya
22. Ai
23. Kaikai
24. Er na Onan
25. Sabat