Yu Save?
(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 22. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)
1. Jehova i laik bai ol i givim wanem samting long em olsem ofa, maski em i man, animal, o kaikai bilong gaden? (Sindaun 3:9)
2. Taim ol i redim ol samting bilong wokim tempel, King Devit i tokim ol man bilong narapela lain long mekim wanem samting? (1 Stori 22:2)
3. Taim ol i wokabaut long rot i go long Emeus, husat i tok olsem Jisas em i wanpela man bilong narapela lain, long wanem, em i no save long ol samting i bin kamap long Jerusalem? (Luk 24:18)
4. Ol i save raitim nem bilong wanem pikinini man bilong Noa bilong makim em i namba tu pikinini, maski i luk olsem em i namba tri pikinini man? (Stat 5:32)
5. Wanem pris long lain bilong Aron i save gut long raitim gen ol tok na em i wanpela tisa bilong Lo? (Nehemia 8:13)
6. Lo 21:20, 21 i tok long wanem pasin em wanpela pikinini man i bikhet olgeta inap mekim, na i stret ol i mas tromoi ston long en bilong kilim em i dai?
7. Wanem narapela narapela samting long lotu bilong Israel i bin kamap long namba 8 mun ol i kolim Bul long kalenda bilong ol Juda? (1 King 6:38; 12:26-33)
8. Wanem samting i kirapim tingting bilong bikpela brata bilong pikinini man i bin lusim papa long save olsem wanpela samting i mas kamap long haus? (Luk 15:25)
9. Namba 7 ensel i kapsaitim dis i gat belhat bilong God long wanem hap? (KTH 16:17)
10. Taim Serksis i stap king bilong kantri Persia, hap em i bin bosim i go inap long wanem hap bilong is? (Esta 1:1)
11. Long driman, Jon i lukim husat ol i sindaun long ol sia i raunim sia king bilong Jehova? (KTH 4:4)
12. Jisas i tok wanem long ol Farisi i save laikim tumas ol lo bilong ol tumbuna? (Matyu 15:14)
13. Kirap long taim bilong Moses, ol manmeri bilong bipo i save kolim Mediterenian olsem wanem? (Namba 34:6)
14. Man Itiopia i wok long mekim wanem taim Filip i go klostu long karis bilong em? (Aposel 8:28)
15. Ol i save mekim wanem bilong makim olsem wanpela wokboi Hibru em i no laik lusim bos bilong em? (Kisim Bek 21:6)
16. Gutpela man Samaria i kisim man Israel i hap i dai na i slip long rot, i go we? (Luk 10:34)
17. Husat em i namba wan stretpela king i bin bosim Juda? (1 King 15:11)
18. Husat em i saveman bilong wok na man bilong wokim haus lotu sel, na husat i bin helpim em? (Kisim Bek 31:2-6)
19. Jisas i stap olsem wanem samting bilong kongrigesen Kristen, na dispela i kamapim klia wok bos bilong en, na gutpela pasin bilong tingim tru ol narapela? (Efesus 5:22, 23; KTH 21:2)
20. Husat dispela meri i bin harim tok Pol i mekim bilong helpim bilip bilong em long Areopagus, long Atens, na em i kamap wanpela bilipmeri? (Aposel 17:33, 34)
21. Gavena Festus i tok “bikpela save” i mekim wanem long Pol? (Aposel 26:24)
22. Jisas i sindaun long wanem animal na i go insait long Jerusalem? (Jon 12:14, 15)
[Blok long pes 22]
Ol Bekim
1. Ol namba wan hap bilong ol dispela samting
2. Katim ston
3. Kliopas
4. Ham
5. Esra
6. Spak
7. Solomon i pinisim wok bilong wokim tempel long Jerusalem. Long laik bilong em yet, Jeroboam i makim dispela mun i kamap olsem taim bilong mekim bung bilong lotu long hap not bilong Israel bambai ol manmeri i no ken tingim Jerusalem na ol bung i kamap long en
8. “Em i harim musik na em i harim ol manmeri i wok long danis”
9. “Long skai”
10. India
11. 24 hetman
12. ‘Aipas i laik soim rot long narapela’
13. Biksolwara Mediterenian
14. Kaunim tok profet bilong Aisaia
15. Kisim nil na mekim hul long yau bilong en
16. Long wanpela haus pasindia
17. Asa
18. Besalel, Oholiap
19. Man marit
20. Damaris
21. Mekim em i kamap longlong
22. Wanpela yangpela donki