Yu Save?
(Yu inap painim bekim bilong ol dispela askim long Baibel, na tu, bekim bilong ol i stap long pes 20. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)
1. Taim Pol i laik i go long Rom bilong sanap long kot, em i ran long sip na abrusim wanem poin long nambis long hap is bilong Krit? (Aposel 27:7)
2. Moses i wok long mekim wanem taim pikinini meri bilong Fero i painim em, na dispela i mekim na em i sori long Moses? (Kisim Bek 2:6)
3. Jisas i tok hamas manmeri bai bihainim rot bilong kisim laip? (Matyu 7:14)
4. Bihain long taim God i wokim dispela graun, spirit bilong em i wok long mekim wanem? (Stat 1:2)
5. Taim Maria i welim pinis lek bilong Jisas long sanda i dia tumas, em i mekim wanem wok long gras bilong em? (Jon 12:3)
6. Long ol Hibru wanem mak bilong skelim hevi bilong ol samting na bilong skelim gol na silva samting em i bikpela moa? (2 King 23:33, NW)
7. Long bipo, King Hesekia i bin bagarapim wanem samting, long wanem, ol manmeri long taim bilong em ol i lotu long en, maski bipo Moses i bin wokim dispela samting na ol manmeri i no ken i dai? (2 King 18:4)
8. Wanem nem bilong wanpela meri long Filipai em i bin hatwok long stretim wanpela hevi wantaim sista Kristen bilong em Sintike? (Filipai 4:2, 3)
9. Moses i wokim wanem samting olsem God i tok bilong putim tupela ston bilong Lo insait long en? (Lo 10:1-5)
10. Ol Iva em king bilong Asiria i bin kisim ol i go long Samaria bihain long em i kalabusim ol Israel, ol i save lotu long wanem ol god giaman? (2 King 17:31)
11. Olsem Baibel i tok, man i “givim gude” long wanpela man i bikhet na i givim baksait long lotu i tru, em i mekim wanem? (2 Jon 11)
12. Pol i tok ol gutpela Kristen bilong Korin ol i olsem “wanpela pas i kam long Krais” em i raitim long bel bilong ol manmeri, tasol em i tok em i no mekim wok long wanem samting? (2 Korin 3:3)
13. Klostu long wanem taun spirit bilong God i bin kirapim Samson long namba wan taim na bihain ol i planim em tu long dispela hap? (Hetman 13:25; 16:31)
14. Jisas i tok, tok bilong ol Farisi na ol Sadyusi i olsem wanem samting, long wanem, tok bilong ol i nogut na inap paulim tingting bilong ol man? (Matyu 16:11, 12)
15. Bilong wanem Jon i bin krai taim em i lukim buk ol i bin pasim strong long sevenpela gris kandel? (KTH 5:1-4)
16. Wanem narapela nem bilong brata bilong Jekop em Iso? (Stat 36:1)
17. Long ai bilong King Akis bilong Gat, bilong wanem Devit i bin rait nabaut long dua bilong taun na larim spet i kamap na ran i go daun long mausgras bilong em? (1 Samuel 21:13)
18. Bilong wanem Devit i litimapim nem bilong Jehova long Song 139:14?
19. Wanem nem bilong arere bilong sip long baksait? (Mak 4:38)
20. Bihain long Moses i kamap, inap hamas mun papamama bilong em i bin haitim em? (Hibru 11:23)
21. Jisas i kolim Satan olsem papa bilong wanem samting? (Jon 8:44)
22. Long taim bilong gavman Persia, Haman i bin mekim wanem bilong painimaut wanem de em i gutpela de bilong bagarapim ol Juda? (Esta 3:7)
23. Baibel i kolim planti taim nem bilong 3-pela diwai, tupela em diwai oliv na diwai wain, wanem nem bilong narapela? (Jon 1:48)
24. Long wanem hap pikinini bilong Sol, em Jonatan, em i bin tokim Devit olsem em bai kamap king bihain? (1 Samuel 23:16-18)
25. Wanem king bilong Persia em i bin painim tok bilong Sairus long ol buk bilong gavman na em i larim ol i wokim gen haus lotu bilong God? (Esra 6:1-12)
[Blok long pes 20]
Ol Bekim
1. Salmone
2. Em i krai
3. Wanpela wanpela manmeri tasol
4. ‘I go i kam antap long wara’
5. Mekim drai lek bilong Jisas
6. Talent
7. Snek bras
8. Yuodia
9. Bokis Kontrak
10. Niphas na Tartak
11. “Em i helpim em long wok nogut bilong em”
12. Ing
13. Estaol
14. Yis
15. ‘Long wanem i no gat wanpela man em inap long opim dispela buk na lukluk insait long en’
16. Idom
17. Long mekim king i ting em i longlong na em bai inap ranawe
18. Long wanem ‘God i wokim em i narakain na i nambawan tru’
19. Stan
20. Tripela
21. Tok giaman
22. Pilai satu
23. Diwai fik
24. Hores
25. Darius