Yu Save?

(Yu inap painim bekim bilong ol dispela askim long ol ves bilong Baibel mipela putim bihain long ol askim, na tu, olgeta bekim i stap long pes 27. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Jisas i tokim meri Samaria ol man i mas lotuim God long wanem pasin? (Jon 4:​24)

2. Bilong winim ol hevi na sanap strong taim ol man i mekim nogut long ol, God i givim wanem samting long ol wokman i stap gut long em? (2 Korin 4:​7-​10)

3. Husat em i laspela pikinini man bilong Hetman Gideon, na em wanpela tasol bilong ol 70 pikinini man i bin ranawe, na brata bilong em Abimelek i no kilim em i dai? (Hetman 9:⁠5)

4. Ol Amon i baim 12,000 man bilong pait long wanem liklik lain bambai ol i ken helpim ol long pait wantaim Devit? (2 Samuel 10:⁠6)

5. Long namba 2 yia bilong wok king bilong em, King Nebukatnesar bilong Babilon i lukim wanem samting long driman bilong em na em i bel hevi tru? (Daniel 2:​1, 31)

6. Olsem namba wan stori ol i bin raitim long ol samting Samson i bin mekim long strong bilong God i tokaut long en, long han nating Samson i brukim wanem samting i go tupela hap? (Hetman 14:​5, 6)

7. Wanem dispela animal Abraham i bin painim, em kom bilong en i pas long liklik diwai na em i mekim ofa long en, na em i bin kisim ples bilong Aisak? (Stat 22:⁠13)

8. King Sol i mekim wanem na em i sakim tok Jehova i givim long em taim em i go pait long ol Amalek? (1 Samuel 15:​3-9)

9. Taim ol Israel i lusim pinis kalabus long Babilon, ol i givim wanem nem long mun Etanim, em namba wan mun long kalenda bilong ol Juda?

10. Taim Jisas i gat 12-pela krismas, papamama bilong em i bin wok long painim em inap 3-pela de, orait ol i bin painim em we? (Luk 2:​46)

11. Tok profet i bin tokim husat long amamas long Jisas i sindaun long donki na i kam? (Sekaraia 9:⁠9)

12. Bilong wanem Jisas i tokim yumi long bungim “ol gutpela samting bilong [yumi] long heven”? (Matyu 6:​20)

13. Jehova i mekim wanem bilong kamapim belhat bilong em long Solomon taim Solomon i kamap lapun na mekim ofa long ol narapela god? (1 King 11:​14, 23-​26)

14. Baibel i tok yumi mas was moa yet long wanem samting? (Sindaun 4:​23, NW )

15. King Jehoiakim i mekim wanem taim ol i kaunim ol tok long em, em ol tok Jehova i sutim i go long ol Israel? (Jeremaia 36:⁠23)

16. Jekop i ting wanem samting i kilim i dai pikinini man bilong em, Josep? (Stat 37:⁠33)

17. Long bipo tru ol i save kolim wanem taun olsem “taun i gat planti diwai det”? (Lo 34:⁠3)

[Blok long pes 27]

Ol Bekim

1. “Spirit na long pasin i tru”

2. ‘Bikpela strong bilong God’

3. Jotam

4. Ol man bilong taun Top

5. Traipela piksa bilong man ol i bin wokim ol narapela narapela hap bilong bodi bilong en long gol, silva, ain, na graun

6. Wanpela yangpela laion

7. Wanpela sipsip man

8. Em i no kilim king bilong ol, em Agak, na tu, em i no kilim ol gutpela sipsip na bulmakau bilong ol

9. Tisri

10. Insait long tempel

11. “Ol manmeri bilong taun Saion”

12. Mani na kago i save bagarap na i no inap helpim yumi long pas gut wantaim God

13. Em i no blesim moa Solomon na em i kirapim ol man long birua long em

14. Tingting bilong bel

15. Em i katim na tromoi long paia

16. “Wanpela laion samting”

17. Jeriko