Yu Save?
(Yu inap painim bekim bilong ol dispela askim long Baibel, na tu, bekim bilong ol i stap long pes 27. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)
1. Bilong wanem Jisas i no inap wokim ol mirakel namel long ol manmeri long as ples bilong em yet? (Mak 6:5, 6)
2. Taim Jisas i stori long pasin bilong ol Farisi long tilim ol samting long 10-pela hap na givim wanpela hap long God, em i kolim wanem tupela samting? (Luk 11:42)
3. Tok profet i kolim wanem animal bilong makim olsem Jisas bai “pasim maus” na sanap taim ol i mekim nogut long em? (Aisaia 53:7)
4. Husat dispela hetpris i bin kisim strafe, long wanem, em i litimapim nem bilong tupela pikinini bilong em, winim Jehova? (1 Samuel 2:27-29)
5. Jisas i bin “tok strong” long wanem samting, na dispela samting i lusim tambu mama bilong Saimon na em i orait bek? (Luk 4:38, 39)
6. I stap bilong ol man i olsem wanem samting na i narakain long ‘tok bilong Jehova’ i save stap oltaim oltaim? (1 Pita 1:24, 25)
7. Long wanem ples drai nating ol Israel i bin kaikai mana long namba wan taim na lo bilong Sabat i kirap long dispela taim? (Kisim Bek 16:1, 13-31)
8. Wanem sampela samting ol god giaman i no inap mekim? (Song 115:5-7)
9. Ol i no bin litimapim nem bilong Jehova long ples Meriba, olsem na husat tupela man i no bin i go insait long Graun Bilong Promis? (Namba 20:12)
10. Baibel i mekim tok piksa long wanem hap bilong bodi bilong makim strong? (Luk 1:51)
11. Baibel i kolim wanem tok bilong kamapim olsem ol king bilong Israel i bin mekim wok i makim gavman bilong God long heven? (1 Stori 29:23)
12. Fopela samting i stap laip long driman bilong Jon i olsem wanem ol samting? (KTH 4:7)
13. Wanem samting bai kamap long graun taim ol i rausim Satan long heven? (KTH 12:12)
14. Ol i mekim wanem bilong tilim ol hap graun long Graun Bilong Promis namel long 12-pela lain bilong Israel? (Namba 26:54-56)
15. Ai bilong wanem kain pisin i save lukluk i go stret, na dispela i save helpim em long mekim wok long tupela ai wantaim bilong lukim ol samting? (Song 102:6)
16. Timoti bai kamapim klia wanem samting long ol narapela, taim em i wok strong long mekim ol wok bilong spirit? (1 Timoti 4:15)
17. Daniel i bin holim wanem wok insait long gavman bilong ol Babilon? (Daniel 2:48)
18. Adam na Iv i samapim wanem samting bilong wokim laplap bilong tupela? (Stat 3:7)
19. Taim Jems i laik kamapim klia olsem yumi mas bosim gut maus, em i tok diwai fik i no inap karim wanem kain kaikai? (Jems 3:12)
20. Ol sikman i mas holim tasol wanem hap bilong klos bilong Jisas bambai ol i ken kamap orait gen? (Matyu 14:36)
21. Ol lait bilong skai i stap bilong makim wanem samting? (Stat 1:14)
22. Husat ol i stap olsem gutpela piksa, long wanem, ol i no spak, na ol i mekim pasin God i laikim, na ol gutpela pasin? (Taitus 2:2, 3)
23. Aisaia i tok, Bikpela bai lusim wanem samting bilong ol manmeri, na “bai i no gat wanpela man i tok: ‘Mi gat sik’ ”? (Aisaia 33:24, NW)
24. Wanem nem bilong namba 6 leta long ABC bilong ol Hibru?
25. Ol manmeri i no bilong lain Juda, ol i save kolim ol olsem wanem? (Rom 2:9, 10)
26. Wanem nem bilong taun long Itali em Pol i bin i stap long en inap wanpela wik wantaim ol wanlain Kristen, taim em i laik i go bilong kot long ai bilong Sisar? (Aposel 28:13, 14)
27. Pol i tokim yumi long lukluk i go long wanem ol samting i bilong i stap oltaim oltaim? (2 Korin 4:18)
28. Ol Kristen yet i no ken mekim wanem samting, long wanem, Jehova bai mekim dispela samting? (Rom 12:19)
29. Taim Jisas i stori long strong bilong Gehena bilong bagarapim ol samting, em i tok wanem samting tasol i no save bagarap long dispela ples? (Mak 9:48)
[Blok long pes 27]
Ol Bekim
1. Ol i no bilip long em
2. Sayor na kumu
3. Sipsip
4. Eli
5. Sik bilong em
6. Gras i save drai
7. Ples drai nating bilong Sen
8. I no inap toktok, lukluk, harim, smelim, holim samting, wokabaut
9. Moses na Aron
10. Han
11. “King bilong ol manmeri bilong God”
12. Laion, bulmakau man, man, bikpela tarangau
13. Bikpela hevi
14. Pilai satu
15. Pisin bilong nait
16. Pasin bilong em i kamap gutpela tru
17. Namba wan kiap
18. Lip bilong diwai fik
19. Oliv
20. Arere bilong klos bilong em
21. Makim kain kain taim bilong yia, ol de, na ol yia
22. Ol lapun
23. Sin bilong ol
24. Waw
25. Ol manmeri bilong ol arapela lain
26. Puteoli
27. “Ol samting yumi no inap lukim long ai”
28. Bekim rong
29. “Ol liklik snek i kaikai bodi bilong ol”