Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 27. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Husat ol ‘i singaut na amamas’ taim God i “putim bikpela ston” bilong wokim graun antap long en? (Jop 38:​4-7)

2. Wanem samting i no inap painim Kingdom bilong God? (Daniel 2:​44)

3. Devit i tok em i olsem wanem samting bilong soim Sol olsem i no gat as na Sol i raunim em? (1 Samuel 24:⁠14)

4. Namba seven ensel i kapsaitim dis bilong em i gat belhat bilong God i stap long en antap long wanem samting? (KTH 16:⁠17)

5. Bilong wanem ol lain tumbuna pikinini bilong Jekop i kisim nem Israel? (Stat 32:⁠28)

6. Wanem solwara i gat planti sol, winim ol narapela solwara? (Lukim Esekiel 47:​8, 9)

7. Bilong wanem Pol i tokim ol Kristen long beten bilong helpim “ol king na olgeta gavman”? (1 Timoti 2:​1, 2)

8. Jisas i kolim wanem tok bilong ol Juda taim em i oraitim wanpela man i yaupas na maus bilong em i hevi? (Mak 7:​34)

9. Jisas i wokim namba wan mirakel bilong em long wanem ples? (Jon 2:​11)

10. Iso i kisim wanem narapela nem? (Stat 36:⁠1)

11. Jisas i tok piksa long wanem animal bilong makim laik bilong em long bungim ol manmeri bilong Jerusalem i no save harim tok? (Luk 13:⁠34)

12. Ol i mekim wok long wanem samting bilong sapim ain? (Sindaun 27:⁠17)

13. Long driman Jon i lukim Pikinini Sipsip na 144,000 i sanap we? (KTH 14:⁠1)

14. Husat i kisim askim long ol man bilong ol narapela lain i mas katim skin o nogat i go long lain bilong bosim ol Kristen long Jerusalem? (Aposel 15:⁠2)

15. Wanem taun em i nambawan biktaun bilong 10-pela lain bilong Israel i stap long hap bilong not? (1 King 16:⁠29)

16. Wanem namba bilong “wel animal”? (KTH 13:⁠18)

17. Bilong wanem kwin bilong Seba i go long Jerusalem? (1 King 10:⁠4)

18. Wanem king bilong Juda i strong tru long lotu i tru na em i rausim bubu meri bilong em long namba em i holim olsem mama bilong king, long wanem, em i wokim “wanpela piksa bilong god meri”? (1 King 15:⁠13)

19. Namba tu ensel i kapsaitim dis bilong em i gat belhat bilong God i stap long en long wanem samting? (KTH 16:⁠3)

20. Wanem king bilong Israel em i king nogut na em i mekim hatpela pasin long ol Tipsa? (2 King 15:⁠16)

21. Wanem samting bilong pait ol man i save tromoi? (Josua 8:18)

22. Ol i givim wanem nem long mun ol i kolim Etanim bihain long ol Israel i lusim kalabus long Babilon?

[Blok long pes 27]

Ol Bekim

1. Ol ensel

2. “Ol narapela king i no inap daunim”

3. “Olsem laus tasol”

4. Skai

5. Long wanem, God i senisim nem bilong Jekop

6. Raunwara Detsi

7. Bambai “yumi olgeta i ken sindaun gut na i stap bel isi”

8. Efata (insait bilong en i olsem “yu op”)

9. Kana

10. Idom

11. Kakaruk meri

12. Ain

13. Long maunten Saion long heven

14. Pol na Banabas

15. Samaria

16. 666

17. Bilong harim gutpela tingting na save bilong Solomon

18. Asa

19. Solwara

20. Menahem

21. Spia

22. Tisri