Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 27. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)

1. Taim ol narapela i “givim baksait long tok tru,” Pol i tok Timoti i mas mekim wanem? (2 Timoti 4:​4, 5)

2. Husat tupela man i gat kros long King Serksis na ol i pasim tok long kilim em i dai? (Esta 2:​21)

3. Nimrot i mekim em yet i kamap olsem wanem? (Stat 10:⁠9)

4. Husat em i namba tu meri bilong Abraham? (Stat 25:⁠1)

5. Olsem wanem Jisas i oraitim meri em i ‘karim blut oltaim inap 12-pela yia’? (Mak 5:​27-​29)

6. Long tok piksa Jisas i tok, i ‘hatwok long maniman i laik i go insait long kingdom bilong God,’ tasol em i tok wanem samting i no gat hatwok? (Luk 18:⁠25)

7. God i mekim wanem bilong strongim moa tok promis bilong em? (Hibru 6:​17)

8. Long driman Nebukatnesar i lukim, wanem hap bilong imis em ain na graun? (Daniel 2:​41, 42)

9. Ol Israel i mekim wok long liklik han bilong wanem kain diwai bilong penim blut long pos bilong dua na ensel bilong God i no ken kilim i dai namba wan pikinini bilong ol? (Kisim Bek 12:⁠22)

10. Long bipo ol i bin mekim wok planti taim long wanem kain animal long taim bilong pait? (Kisim Bek 15:⁠21)

11. Baibel i tok, Jehova i no inap mekim wanem samting? (Hibru 6:18)

12. Jehova i tokim Elaija long hait long wanem hap na bai ol kotkot i bringim kaikai i kam long em? (1 King 17:⁠3)

13. Jehova i makim husat bilong karim bokis kontrak? (Lo 10:⁠8)

14. Pol i toktok long husat olsem “em i gutpela man bilong bihainim Bikpela”? (Rom 16:⁠13)

15. Husat em i papa bilong Sekem, na ol i bin kilim em tu bihain long Sekem i mekim pasin nogut long Daina? (Stat 34:⁠26)

16. Husat em i papa bilong Abraham? (Josua 24:⁠2)

17. God i tok ol i mas mekim wanem bilong baim bek ol 273 namba wan pikinini bilong ol narapela lain bilong Israel em namba bilong ol i antap long ol Livai? (Namba 3:​46, 47)

18. Wanpela wokboi bilong Israel inap go fri sapos bos bilong em i paitim em na bagarapim wanem ol hap bilong skin bilong em? (Kisim Bek 21:​26, 27)

19. Jisas i tok wanem samting bai mekim man i kamap fri? (Jon 8:32)

20. Tupela i gat wankain laik na wankain strong na namba, olsem na King Hiram i kolim Solomon olsem wanem? (1 King 9:​13)

21. Wanem kain diwai plaua ol man i ting i bikpela samting, long wanem, em i gat gutpela smel na i olsem sanda bilong welim skin, na Baibel i kolim tasol long Song Bilong Solomon? (Solomon 1:​14, NW)

22. Bilong truim tok Josua i bin mekim long samting nogut bai painim ol, husat ol i dai taim papa bilong ol i wokim gen taun Jeriko? (1 King 16:⁠34)

23. Wanem samting i mekim na wara i no inap go insait long sip bilong Noa? (Stat 6:​14)

[Blok long pes 27]

Ol Bekim

1. Em i mas ‘tingting klia oltaim, karim ol hevi na pen, mekim wok bilong autim gutnius, na mekim tru dispela wok’

2. Biktana na Teres

3. “Saveman tru bilong painim abus”

4. Ketura

5. Em i putim han long klos bilong Jisas

6. ‘Bilong kamel i go insait long hul bilong nil bilong samap’

7. Em i mekim tok tru antap

8. Lek na ol pinga bilong lek

9. Diwai hisop

10. Hos

11. Tok giaman

12. Klostu long liklik wara Kerit

13. Lain bilong Livai

14. Rufus

15. Hamor

16. Tera

17. Ol i mas baim 50 kina 50 kina long wan wan man

18. Ai o tit

19. Man i mas save long tok i tru

20. Brata

21. Henna

22. Abiram na Segup

23. Kolta