Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, bekim bilong ol i stap long pes 20. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)

1. Taim lain bilong Jehova i no stap gut long em na em i larim ol birua i daunim ol, bilong wanem bihain em i givim strafe long ol dispela lain birua? (Lo 32:27; Aisaia 64:2; Nahum 1:⁠2)

2. Resel i kolim wanem nem long namba 2 pikinini man bilong em long taim em i karim em na em i laik i dai? (Stat 35:18)

3. Pol i tok ol samting ol Kristen i holim bilong mekim pait bilong spirit i kain olsem ol samting bilong pait tru, orait em i tok bilip i olsem wanem samting? (Efesus 6:⁠16)

4. Taim Devit i ranawe long King Sol, em i go hait long ples bilong wanem king? (1 Samuel 27:⁠2)

5. Satan i tok promis long givim olgeta kingdom bilong graun long Jisas sapos em i mekim wanem? (Luk 4:​5-7)

6. Kwiktaim Finias i mekim wanem na dispela i pinisim bikpela sik i bin kilim i dai 24,000 manmeri bilong Israel? (Namba 25:​7-9)

7. Ol i bin mekim wok long tit bilong elefan wantaim wanem kain blakpela diwai? (Esekiel 27:⁠15)

8. I gat wanem as na king bilong Asiria, em Tiklat Pileser, em i go pait long Siria, kisim Damaskus, na kisim ol manmeri i go kalabus long Kir? (2 King 16:​7-9)

9. Taim Devit i harim olsem namba wan pikinini man bilong em na Batseba i dai, Devit i mekim wanem na ol wokboi bilong em i kirap nogut? (2 Samuel 12:⁠21)

10. Jisas i tok wanem samting i olsem “lam bilong bodi”? (Matyu 6:⁠22)

11. Jehova i tok, long wanem rot em bai pulim Gok i kam bilong mekim laspela wok bilong em long bagarapim lain bilong God? (Esekiel 38:⁠4)

12. Namba wan ensel Maikel i tok pait wantaim Satan long kisim bodi bilong husat? (Jut 9)

13. Profet Jona i mekim wok bilong em long Ninive na bihain God i kamapim wanem samting na san i no inap kukim skin bilong em? (Jona 4:⁠6)

14. Serksis i amamas tru long Esta i kamap kwin bilong em, olsem na em i larim olgeta manmeri long hap em i bosim ol i mekim wanem? (Esta 2:⁠18)

15. Ol soldia i mekim husat i karim diwai pos bilong Jisas? (Luk 23:⁠26)

16. Husat tumbuna pikinini bilong Juda i no gat pikinini man, olsem na em i givim pikinini meri bilong em long wokboi bilong em bilong Isip, na lain bilong em i no ken pinis? (1 Stori 2:​34, 35)

17. Resel i karim pikinini na taim em i laik i dai, meri bilong helpim em i tok wanem? (Stat 35:⁠17)

18. Ol i bin mekim wok long wanem ol kain marasin bilong mekim skin bilong Esta na ol narapela meri i kamap gutpela? (Esta 2:⁠12)

19. Husat i tokaut olsem ol i mas makim senis bilong Judas, em dispela man i no bin stap gut long Jisas? (Aposel 1:​15-22)

20. Husat i papa bilong Jesebel? (1 King 16:⁠31)

21. Jehova i makim husat tupela man bilong bosim wok bilong wokim haus sel bilong em? (Kisim Bek 31:​2, 6)

22. Jisas i tok wanem long pasin bilong tok tru antap long wanpela samting na i no tingting gut pastaim? (Matyu 5:⁠37)

[Blok long pes 20]

Ol Bekim

1. Bilong ol i ken save long nem holi bilong em, na bilong daunim ol dispela lain i bikhet na i save mekim tok hambak

2. Benoni

3. Hap plang

4. King Akis bilong Get

5. Brukim skru na lotu long Satan

6. Em i sutim long spia wanpela man na meri

7. Eboni

8. Em i kisim grismani long King Ahas bilong Juda

9. Em i kirap na kaikai gen

10. Ai

11. Huk long wasket bilong em

12. Bodi bilong Moses

13. Wanpela rop bilong bus

14. Malolo

15. Saimon bilong taun Sairini

16. Sesan

17. Em i karim pinis pikinini man

18. Wel ol i wokim long blut bilong diwai mea, na wel i gat gutpela smel

19. Pita

20. Etbal, king bilong ol Saidon

21. Besalel na Oholiap

22. “Yupela i mas tok ‘Yes’ na ‘Nogat’ tasol”